Deuteronomy 4

4

6

7

8

11

17

18

31

34

¹Damanina ba Moses Israel biyisi kurisi i wona, “Kairuwana ereonowana ani beyebeyimi wai ko bosisirana wai kona mana ba kona riu ami kupura Bada ami God e bereberimi wai kona yauni ba ini karimi yai.

²Kega nikosi kaotunetune tepanai sisiya kona tubotaini kona kesana kona botaveyei. Saba Bada ami God ana kaotunetune a bereberimi wai ko bokikisi.

⁶Ko bosisirana kabitamnisi kata dam mutusi parimi ai ami nuwasuya ba kuira sina kitai. Ba nikosi kaotunetune sina nonora ba sina wona, ‘Bisuwona, niko dam kaikapona, wai pipiyisi nuwanuwasuyisi ba kuikuirisi!’

⁷Kega dam kesana kaikapona asi god e gwabigwabisi nanakasike bage kota ata Bada God maranai ta raupari kurina wai gwabiti ai e mamana.

⁸Nikosi kairuwana karaku a wonewonim wai totorisi ba gaire sakiyisi. Kega meo dam kesana kaikapona ana kairuwana totorisi ba gaire sakiyisi bage niko kairuwana karaku a bereberimi wai rutainina.

³²Maranai Bada ami God Egypt yai ana maragata kaikaponai i uraba kasibauwimi, kiyakiyaya ba wose kaikaposi i wose. Ba komi kairavimi Egypt i abiyisi ba paiwara kaikapona i berisi. I wosimi ikesina mom ana pipiya, ba Sainai koyanai keyama kai karakarasina basunai ko nonori i sisiya kurimi ba katai yawayawasimi ko mamana. Nikasike wose kainaona i tupuwa kona kega? Kega! Ko nuwasuya e veramaga God pipiya dobuai i wosisi maranai, dobu ereonowana ko kinani. Kega god kesana nikasike wose i wose.

³⁹Kata Bada kona sapama kaidamonai ba dobu gaburinai kana God, ba kega memena kesana kotoi. Kona kairavina karaku ke nosi ba nuwanuwami yai e mana.

⁴⁰Ba nikosi kairuwana ba kaotunetune karaku a bereberimi wai ko bokikisi kata komi ba natunatumi sina tupuwa wai gairenai wata ba Bada ami God kupura e bereberimi wai kona mamanei yepo ami mara ku damona.”