Deuteronomy 17

4

6

7

8

11

17

18

31

34

¹⁴“Maranai kona riu kupura Bada ami God e bereberimi wai kona yauni ini karimi yai, ba kona mabinubaimi, ba kona wona, ‘Ko kinani kata taupauma kesana tana terei ina potaita nikosi dam si mabisubibirita wai rutainisi.’

¹⁵Ko kita kabitamni kata taupauma kona binei wai Bada ami God ana binebinena, komi waresimi kesana kamomi yai kona binei. Ba kega pipiya tumana kotoi kega Israel biyina kona binei ina potaimi.

¹⁶Ba taupauma wai kega ikesina kairavina horse pesarisi ina yauna, ba kega pipiya ina wosisi sina veramaga ku Egypt yebo mutusi sina gimona, kairavina Bada i wona, ‘Komi kega nao ku kupura kona veramaga mena.’

¹⁷Kona kega kaokaowana pesarisi ina yauna muri yai ba nuwanuwana BADA karinai sina taina sirei, kona kega mariya ini sasaranei, ba silver ba gold ina yauna saki.

¹⁸Maranai taupauma asi aba makimakirai ina makira wai, ikesina kairavina niko kaotunetune tupana Livai biyisi kairuwana pepana sina berei wai ina kirumi.

¹⁹Ba gwabinai ina botawani ba kao patepatena ana yawasa kamonai ina baibaiyavi kata Bada ana God ina kuira kabitamni ba ina bokuwayei ba ana kairuwana sisiyisi ina kibi kabitamni.

²⁰Ba kega ina nota meyei kata kona wai i gaire saki kega turaturana mutusi rutainisi ba Bada ana kairuwana ini kawapatei ba ana wainai wata ina nae. Kata kona ba ana rakara murinai te botubotu wai Israel kamonai asi bi taupauma marana ina veoroma.”