Daiteronomi 19

1

4

6

7

8

9

10

12

13

18

19

24

25

26

30

31

32

33

34

¹⁵Go Mose kêsôm gebe “Ŋac teŋ embe êŋgôm sec teŋ ma êtap ŋakeso to geo teŋ sa, go ŋac-gêwa-biŋ-sawaga tageŋgeŋ êtôm atom gebe eŋ taugeŋ êwa biŋ tonaŋ sa. Ŋac luagêc me têlêac, taŋ sêŋô to sêlic gêŋ tau sêwiŋ naŋ, sêpuc biŋ tau tôŋ amboac tonaŋgeŋ acgom.

¹⁶Embe ŋac-êwa-biŋ-sawaga alôb-alôb teŋ êndi sa ma êŋga biŋ teŋ êpi ŋac teŋ gebe kêgêli biŋsu,

¹⁷go ŋac tobiŋ lulugeŋ mêŋsêkô Apômtau laŋônêm ma dabuŋwaga agêc mêtôcwaga, taŋ sênam kôm êndêŋ bêc tonaŋ naŋ, sêwiŋ êsêagêc.

¹⁸Lau mêtôcwaga sêkip biŋ sa ŋapepgeŋ ma ŋac-gêwa-biŋ-sawaga embe ŋac dansaŋ teŋ ma êŋga biŋ eso,

¹⁹go amac aŋgôm gêŋ, taŋ eŋ taê gêjam gebe êŋgôm êndêŋ nê lasitêwa naŋ, êpi eŋ taugeŋ ma onseŋ gêŋ sec, taŋ gêc amac ŋalêlôm naŋ, su amboac tonaŋgeŋ.

²⁰Ma lau ŋagêdô sêŋô ma têtêc tauŋ gebe sêŋgôm gêŋ sec teŋ amboac tonaŋ ênêc amac ŋalêlôm êtiam atom.

²¹Têmtac êtu lêsi atom. Ŋamalac êjô ŋamalac. Mataanô êjô mataanô. Ma luluŋ êjô luluŋ to lêma êjô lêma ma akaiŋ êjô akaiŋ.”