Dↄaanaↄ 5 - Bibeli Luayãtaalá

Dↄaanaↄ 5

Click on verse(s) to share them!

¹Zĩbeezĩ Debolaa ń Abinↄaũ nɛ́ Balakuo lɛɛ bee sì:

²Kɛ́ Isaili dↄaanaↄ bↄ̀ dↄ̀aa, gbɛ̃́ kĩniↄ tɛ́ńzi teasisai. À Dii sáaukpa!

³Kíaↄ, à yã́ɛ bee ma! Gbãadeↄ, à swã́kpa! Má lɛsi Dii yã́ musu, má Dii Isailiↄ Lua táasilɛ.

⁴Kɛ́ Dii bↄ̀ Sei gbɛ musu, tↄↄlɛ lùalua, kɛ́ àlɛ pã Ɛdↄũↄ bùsupia, loupↄↄ fↄ̃̀, lou mà maamaa.

⁵Gbɛ̀sĩsĩↄ dèedee Dii aɛ, Isailiↄ Lua pↄ́ bↄ̀ mↄ̀má Sinaipi.

⁶Anata nɛ́ Samɛgaa gↄↄ, Yaeli gↄↄ, gbɛ̃e lí zɛda sɛ lↄo, zɛ́wɛwɛna ↄ̃ wɛ̃́lɛgɛna ì sɛ́.

⁷Kíaↄ lɛ́ midɛ Isaili bùsuu, ↄ̃ ma Debolaa ma gↄ̃ Isailiↄ da ũ.

⁸Kɛ́ aa zɛ̀ ń dii dafuↄ, ↄ̃ zĩ kↄ̃ kũ̀ wɛ̃́lɛ bĩ́ibↄlɛu. Baa gbɛ̃ↄn ↄ̀aasↄsↄo lɛɛ bla (40.000) guu gbɛ̃e sɛ̀ngbao ge sↄ̃na vĩo.

⁹Ma pↄ dↄ Isailiↄ dↄaanaↄwa ń gbɛ̃́ pↄ́ tɛ́ńzi teasisaiↄ. À Dii sáaukpa!

¹⁰Á gbɛ̃́ pↄ́ á di zàa'ĩn pua kpɛↄ á gbɛ̃́ pↄ́ á zↄ̃lɛ tɛfɛniwapiↄ ń á gbɛ̃́ pↄ́ á bɛ kɛ̀sɛↄ, à a yã'o.

¹¹Gbɛ̃́ pↄ́ kãaaa ítↄkĩiↄ zↄa dↄ, aa Dii maakɛaↄ dàu lɛ́ siunɛ́, Isailiↄ kíaↄ zĩblè, ↄ̃ Dii gbɛ̃́ↄ sù ń wɛ̃́lɛↄ guu.

¹²Fɛlɛ Debolaa! Fɛlɛ! Fɛlɛ lɛsi! Fɛlɛ! Abinↄaũ nɛ́ Balaku, fɛlɛ dↄaa n zĩ̀zↄↄnɛ.

¹³Ɔ̃ gbɛ̃́ pↄ́ gↄ̃̀ↄ bↄ̀ mↄ̀ kíaↄ kĩ́i, Dii gbɛ̃́ↄ mↄ̀ ma kĩ́i ń nɛgↄ̃naↄ.

¹⁴Ɛflaiũ bui pↄ́ aa Amalɛki buiↄ fùↄ ń Bɛ̃yãmɛɛ buieↄ tɛnzi. Makii buieↄ dɛ dↄaanaↄ ũ, Zabulↄni buieↄ gopana kũa.

¹⁵Isakaa bui kíaↄ kú ń Debolaao, Isakaa buiↄ kú ń Balakuo, aa sìaànↄ gusalalau. Lubɛni bui gãliↄ seakɛ̀.

¹⁶Àkɛa a gↄ̃ kĩnaↄ saɛ, álɛ kulɛpɛa sãↄnɛ mai? Lubɛni bui gãliↄ seakɛ̀ maamaaɛ.

¹⁷Galada bùsudeↄ gↄ̃̀ Yuudɛ̃ baale. Àkɛa Dã buiↄ zɛ̀ ń ń gó'ilɛnaↄi? Asɛɛ buiↄ zↄ̃lɛ ísialɛ, aa gↄ̃̀ ń godↄkĩiↄ.

¹⁸Zabulↄni buiↄ fɛ̃na wò, aa a kpɛ́ vũ̀aa, Nɛfatali buiↄ kɛ̀ gulɛsĩↄu màa lↄ.

¹⁹Kanaa bùsu kíaↄ mↄ̀, aa zĩkà Taanaki Mɛgido swa saɛ, kási aai àizɛɛ sɛ́lɛ tàòo.

²⁰Za musu saanaↄ zĩkà, aa bↄ̀ ń zɛ́u, aa zĩkà ń Siselao.

²¹Kisↄ̃ swa zipi tàńnↄ. Má gɛ́ aɛ, mí gɛ́ ń gbãao.

²²Sↄ̃́ gbãaↄ lɛ́ bàalɛ, an kɛ̀sɛ kↄ̃fĩ dↄ.

²³Dii Malaika mɛ̀: À Mɛlozu ká, à lɛkɛ Mɛlozudeↄnɛ maamaa, asa aai mↄ dↄ̀ Diilɛo, aai dↄ Dii nɛgↄ̃naↄlɛo.

²⁴Nↄɛ báaaden Ɛbɛɛ na Yaeli ũ, Keni bui nↄɛpi báaa vĩ zwã̀akpɛdeↄ guu.

²⁵Sisela í gbɛ̀awà, ↄ̃ à vĩ kpàwà, à vĩfãai kpàwà ta ↄde guu.

²⁶À ↄbↄ̀ zwã̀akpɛ kálo sɛ̀, à masana kũ̀ ń a ↄplaao, ↄ̃ à Sisela lɛ̀ò à aà mi wì, à aà swãgɛ̃zĩ fↄ̃̀ à aà tↄ̀lↄzↄ̃̀.

²⁷Sisela gofanlɛ à lɛ̀lɛ aà gbá saɛ, ↄ̃ à gↄ̃̀ wúlɛa we. À gofanlɛ à lɛ̀lɛ aà gbá saɛ, gu pↄ́ à gofanlɛ à lɛ̀lɛu, we à gàu.

²⁸Sisela da wɛkpàlɛ fɛnɛntiu, à wiilɛ̀ fɛnɛnti mↄↄ fòou à mɛ̀: Bↄ́yãi aà sↄ̃́go kpɛ́ e tiai? Àkɛa aà gbɛ̃́ↄ sↄ̃́goↄ kↄ̃fĩ dↄo ni?

²⁹Aà nↄɛ zĩkɛna ↄ̃nↄnaↄ lɛ́ oɛ̀, ↄ̃ a tɛ́ ń lɛgbɛi láasai à mɛ̀:

³⁰Aalɛ pↄ́ↄ naaaɛ, aalɛ kpaalɛkↄ̃ɛɛ, baade ń a wɛ̃́ndiao mɛ̀ndodo ge plapla. Aalɛ zwã̀a wɛdeↄ naaa Siselaɛɛ, zwã̀a wɛde wɛ̃̀sãdeↄnɛ, pↄlↄgãu pↄ́ wà ba kɛ̃̀wàↄɛ.

³¹Dii, to n ibɛɛↄ ga màa ḿpii, gbɛ̃́ pↄ́ aa yenziↄ gbãa iↄ dɛdɛ lán ĩatɛ̃ dɛdɛawa. Ɔ̃ an bùsu gↄ̃̀ dↄdↄa e wɛ̃̀ bla.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

Dↄaanaↄ 5123456789101112131415161718192021

Dↄaanaↄ 5
1
2
3
4
5
6
7
8
9
10
11
12
13
14
15
16
17
18
19
20
21