Buka Linge 144:2-14

²Gaia nigua na dolo te patupatu, ma nigua na vale vahola, na puku ni vale vatogha, ma nigua na huioli. Gaia te tughuru naghogu vagha na tako, na vatei polo, me hera na lei kema ge kara kabu sasara.

³Na hava na tinoni ge ko righi kalea mana puhuni tinoni ge ko ghanaghana mava.

⁴Ighai te vagha na ghuri te aheahea, mana bongimami te vagha na nunu te tona haliu.

⁵Lord, ko voki horua mai na parako, mo ko horu mai, ko tabei na lei ghotu ma kara ahu me ke dato na kurupeni/ahuni

⁶Ko vetena horua mai na viti mana kuanga, me ke havukaghinira ghamua na levunimate, vanahira nia mai nimua na kuali ge kara pupulolo.

⁷Ko hagalou mai kokou mo ko volau, ko lavikehau lokani na lei beti lalo, tana limadira ghagua na kana.

⁸Na mangadira te vonughia na kiko, ra ghanaghana tana nia bosa na lutuni, hauva mara kiko.

⁹God, inau tu lingea vanigho na linge vaolu, ku linge holoutogho nia, na ghalevu ghalo hangavulu.

¹⁰Ighoe to vahera na lagavule na lei vunaghi, mo vola David nimua na tinoni lutu.

¹¹Ko volau tana mangana na ivi te dika, mo ko sagu kehau tana limadira na ghagua na kana, na pukuna na mangadira te/tara vonughia na sori, mana parapari, ma ghanaghana tara nia bosa na utuni, hauva mara kiko.

¹²A hei daleda kara sepalaghi tana gari maneadira, te vagha na ghai susuba to pabea, mana lei tahula kara vagha na vatu tana piu tana tupighi, tara vaghui nia na lei vale ni haba.

¹³E uto, nimami na bela ke vonu nia na lei vata ni vuavua, Ma nimami na volivoli ke sepalaghi tana togha ni togha.

¹⁴Ma nimami na maumanu kukuti kara sepalaghi, kara mua veotia na piludira, me ke taho ga na soni seka, mana tangi ngangaraha lokana nimami na loaloa