Tingtoeng 144:2-14

²Ka sitlohnah neh ka rhalvong, ka imsang neh kai ham kai aka hlawt ka photling, ka hmuiah ka pilnam aka hnaa amah dongah ni ka ying.

³BOEIPA aw hlang te metlam nim na ming tih amah hlanghing capa te amah la na moeh.

⁴Hlang he a hohing la lutlat tih a khohnin khaw mueihlip bangla bangla khum.

⁵BOEIPA namah kah vaan ke koisu lamtah ha rhum laeh. Tlang ke puei lamtah khuu uh kangna saeh.

⁶Rhaek daeh sak lamtah amih te taekyak lah. Na thaltang dong lamtah amih te khawkkhek lah.

⁷Hmuensang lamkah na kut yueng lamtah kai m'paco lah. Tui len lamkah khaw, kholong hlang kah kut lamlong khaw kai n'huul lah.

⁸Amih ka te a poeyoek la cal uh tih a bantang bantang ah laithae om.

⁹Pathen namah taengah laa thai ka sak saeh lamtah namah te thangpa parha neh kan tingtoeng eh.

¹⁰Manghai rhoek te loeihnah aka pae tih a sal David te boethae cunghang lamloh aka paco.

¹¹Kai he m'paco lamtah kholong ca rhoek kut lamloh kai n'huul lah. Amih ka te a poeyoek la cal tih a bantang bantang a honghi kak la om.

¹²Kaimih koca rhoek tah a camoe vaengah mupoe bangla rhoeng. Ka tu rhoek te bawkim muei la a saek rhungsut bangla om uh.

¹³Ka thaidi loh a com a luem lamkah te a khawk la a dang. Ka khohmuen ah ka boiva loh thawt tih pungtai.

¹⁴Ka boeihlum aka tloeng khaw puut pawt tih khumpael pawh. Te dongah henah loh kaimih toltung ah om pawh.