1Vania na tinoni te taghaoa na vunguvungu ni linge. Nina David Ko rongoviu ta nigua na kokoeliulivuti, Ghe God. Ko bei nia hughu a nigua na tangitangi ni hahanga.
2U bongi ngangatagho ge ko vaovarongo mo ko heu na bosa tughu a nigua na lei vahola kaukauli tara au vule ngangatau tua.
3Lei ghagua na kana tara ghughuviu, ara nighi ghaeghahe laga dato na lei lavi mataghu tara matemate. Ara talui na lei vahola kaukauli i vuvungagu. Agaira tara hiliviu ta didira na rutu papara.
4Na tobagu te vahaghitaili ngangata. na mamataghuna na mate te mana pungisiu.
5Na mataghu mana tatata tara au vuleu. u mua tangomana tua ge ku beto na kahikahi.
6Ivei te ghaghua sughua ge ku loghoa na ghata vaghaa na bola ke; keri ge ku lovo keha mu ku aheahe.
7Ge ku lovo sagau vaa tana tautalu asi.
8Ivei ke ghaghua ge ku mina samapolo, sagauvia na maraghata ni gunaguna te mamataghugha.
9Ko haurakera, Ghe Lord, mo ko nira ge kara hoghohare tana koluadira, Na Inau tu vaevanea na haurake, veilalabui mana hughuhughu i lokana na komu sule.
10Na peona tara talighutia tana lei bongi mana dani ge kara bei mai haghevia. Hau va ka, mana puku ni totobo te mamataghugha ke na lei gehegehe dika ilokana na komu sule.
11Na mate tinoni mana gitogito tara kale so. Ivei tua ilokana na komu sule. Na lavi mataghu mana pasapasa popolo tara vonughia na lei baebasena na komu sule.
12Te mua ghagua na kana te bosa dikalau u tangomana sono ge ku lavia keri. Tara mua ghagua na kana tara ghanaghanara heghedira tara mava tara bosa dikalau Inau u tangomana sono ge ku polo vanira.
13Hauva ka, mi ghoe, a nigua na tinoni te kaekage kolu itagua, ghagua na udukolu mana kulagu to dutuviu.
14Ivei te vagha na utona dida na udu kolikolu toro nia togotogo tana bona to sakutua koukolu vaa tana valena God.
15Lubatia na mate ke ghurukeha na ghagua na kana nia na hare. talana na malei beku tinoni mate ke sononi volara, nia na gehegehe dika te mangatia na komuna tana lokadira.
16Mi nau ku holoa God, Ma Lord ke vavolau Inau.
17Tana puipungi, levu ni aho, nulavi, mi tana bongi, inau tu ghaeghahe dato laga ta nigua na vahaghitaili ma Lord te rongovia na tangi ni mangagu.
18Agaia te vavolau me righitaoni utou ta nigua na vahaghitaili. tana veitotoghoni tara utu talighutia. Sakai vamua te vaghaa keri ka, ara subo so tara hughu Inau.
19God, te vunaghi haba kasila, ke rongoviu me ke talumurira. nia ghagua na lei levunimate tara mua liona ge kara tughui na lei gehegehedira Ara mua nia kikinima God.
20Vania na kulagu eni, agaia te perou agaia te diua nina lei baubahu.
21Na lei kokoena tara malebo te vagha na lei vanga tara malebo/na tahi beata Hauva ka, mi loka ni tobana ke, na kisu mate. Na lei kokoena tara vaghai na beti ni beto pileana na vahaghitaili. /na oil/oele hauva mi sarana na lei vatei suki tinoni.
22Vahea nimua na lei vahola, Ighoe A Lord, ma gaia ke mua lubatira rana taluutuni ge kara madali keha ma kara tumu
23Mi ghoe, Ghe a God, ko nira vetena horu tara mua taluutuni tana gilu ni haurake rana mate tinoni marana kiko kara mate gari Mi nau tu ghanaghana mavagho ge ko vavolau.
