Soũↄ 144:2-14

²Ɔ̃mɛ ma ulɛkĩi ũ, ì gbɛ̃kɛkɛmɛɛ, ↄ̃mɛ ma zɛgikĩi ũ, ì ma suaba. Ɔ̃mɛ ma sɛ̀ngbao pↄ́ mi mikpai ũ, ì to buiↄ mikpaa.

³Dii, bↄ́n gbɛ̃nazĩna ũ an yã́ ìↄ dↄngui? Bↄ́n ń ũ, ni laaidↄmái?

⁴Gbɛ̃nazĩna dɛ lán kàsafiiwaɛ, aà wɛ̃ni ì gɛ̃zɛa lán uenawaɛ.

⁵Dii, ǹ n bɛ siilɛ ǹ pila, ↄkã gbɛ̀sĩsĩↄwa aa súɛlɛbↄ.

⁶To lou pílɛpilɛ ǹ gbɛ̃́ↄ fãaa, ka fã́ńgu, gili i gɛ̃ńgu.

⁷Ɔbↄ za musu ǹ ma kṹ. Ma bↄ í zↄ̃ↄ guu, ma si bui zĩ̀loↄwa.

⁸Yã pã oa mɛ́ ń lɛ́ pà, aaì ↄlɛlɛ ń lɛ́ pã gbɛ̃ao.

⁹Lua, má lɛ̀ dafu sínɛ, má n táasilɛ ń kúu bakwio.

¹⁰Ni to kíaↄ zĩble, ni n zↄ̀blena Davidi bↄ fɛ̃n'ↄↄ lɛ́zĩ.

¹¹Ma kũ ǹ ma bↄ bui zĩ̀loↄ guu, yãpã oa mɛ́ ń lɛ́ pà, aaì ↄlɛlɛ ń lɛ́ pã gbɛ̃ao.

¹²Wá nɛgↄ̃ɛↄ pɛ́lɛ ń ɛ̀waasokɛu lán lí pɛawa, wá nɛnↄɛↄ aaↄ dɛ lán kibɛ gbɛ̀pɛlɛ kɛfɛnawa.

¹³Wá dↄ̃ↄ pa, aaↄ pↄ́pii vĩ, wá pↄtuoↄ kↄ̃ lɛɛ ↄ̀aa sↄo, aa ka ↄ̀aasↄsↄo lɛɛ kwi wá kpàsau.

¹⁴Wá zuↄ aso zↄ̃ↄ sɛ́sɛ. Bĩ́igbooa aↄ kuo, lala'oa aↄ kuo, búbuapɛa aↄ ku gãaɛ lↄo.