Text copied!
CopyCompare
Na Rongorongo Uto nina Jesus Christ - Buka Linge

Buka Linge 60

Help us?
Click on verse(s) to share them!
1Na lingena David, na vatei tarai, te gerea tana bona David te pepo kolura Aram Naharaim maia Aram Zobah, ma Joab te pulohi me va matera ara hangavulu rua na togha ni malaghai ni Edom, tana boboko ni tahi. Kara lingea tana huluna na haihali te tughuni kaekalea heghena. Ighoe to nighami sika, Ghe a God, mo goat horua a nimami na pilupungisi. Ighoe to rutu vanighai; ko talugoni ghai ta nimua na kulakulagha itaeni.
2Ighoe to anuanua na pari ni komumami mo labu vuha ma hahangavi. Ko tila kolu na lei bona tara ghaghe ghavo ge kara bei tumu keha udolu.
3Ighoe to rutu papara vanighai tana lei bona te padi, mo nighai ge Ai inuvia na wine te nighai ge u bule na mamahamami.
4Hauva mi ghoe to tughuru vaghinia na vaughilala vanira tara talumavagho na talutate ni pilu pungisi i naghona na gunaguna.
5ko vola ghai nia na levu lima madolomu te laga, mo ko volara tana vahola nimua na vure to dolovi utora.
6Ta nina na puku ni tabu, God te nia baubahu te vagha eni; Inau ku vilivoka Shechem nia na togotogo Inau ku kage utomate na boboko i Succoth.
7Gilead ke a nigua, ma Manasseh ke a nigua. Ephraim ke sivuraghara na lei nigua na vure ni pepo, ma Judea ke sivuraghara nigua na vunaghi haba.
8Moab ke nigua na ghairau sasara, Ma Edom ke nigua na seka. Inau ku ghughu tana laga vuleadira rana Philistia
9Ma hei ke lavi hagheu tana komu sule ni lagalaga? A hei ke heu na laga vuleana Edom? Ighoe vamua God, hauva ighoe to talukeha ghai tua. Ko mua udu koluadira nimami na vure ni kisumate. Ai nongi ngagnatagho, ko hangaghai itadira na lei ghamami na kana, na pukuna na lei hahanga ni tinoni tara totobo lee vamua.
12Nia nina na hahanga God, Ighai kai gonighi na lei totobo sule ngangata na pukuna ke turi bita horura na lei ghamami na kana.