1Uto vaa, ge ka varavaghi itatana God i mua tatana na tinoni Holoutoa Lord, agaia te uto lee! Ma nina dolo veiarovi ke kabu kasila
2Na vaukolu vure Israel kara ghoi bosa ghua, Ma nina dolo veiarovi ke kabu kasila
3Na vavatana Aaron mana lei mane sukaghi kara ghoi bosa oli; Ma nina dolo veiarovi ke kabu kasila
4Gaira tara nia kikinima Lord, kara bosa oli, Ma nina dolo veiarovi ke kabu kasila
5Ta nigua na vahaghitaili hau/nau tu kokoeliulivuti vania Lord, Ma Lord te bosa tughu me volau inau.
6Lord, nigua nau, mu ku mua ghoi mataghu tua, me taho tua hei ke ghoi gonia vaniu siki totobo dika.
7Eo, Lord nigua nau, gaia ke hangau inau. U righia na laga vule itadira tara niu sika.
8E uto vaa ge ku varava ngasi itatana Lord, vulea na ghanaghana kodo itatana na tinoni
9E uto vaa ge ku varava ngasi itatana Lord, vulea na ghanaghana kodo itatana na vinahogho.
10Na lei levunimate kara talighutiu, mi nau ku taghalaghinira tana ahana Lord.
11Eo, gaira tara talighutia mara hughuhughu koluu, mi nau ku taghalaghinira tana ahana Lord.
12Mara rangasi ngangatau te vagha na lapilapi ni lake, mi nau ku taghalaghinira tana ahana Lord.
13Na ghagua na levunimate tara tabotabo ni mateagu, hauvaa ma Lord te hangau so inau.
14Gaia Lord nigua na laga ma nigua na linge, te liliu ni lagavule.
15Linge togotogo mana lagavule tara lingei lokani lei vale tapole nina vure God, Na lima madolona Lord te laga te gonighi na lei totobo haeharegha.
16Na lima madolona Lord te laga te hola datoa na lagavule, na lima madolona Lord te laga te gonighi na lei totobo haeharegha!
17Nau ku vola mu ku mua mate, ku bosa tatea na hava Lord te gonia.
18Gaia Lord te toro ngangatau, me mua lubatiu ge ku mate.
19Ko hangavia vaniu na mataula kara haghe iga na maemane, Mi nau ku haghe iga mu ku holoutoa Lord.
20Na mataula kiri ke uhulighita vaa tana matana Lord, ma nina vure God kara haghe iga.
21Inau tu holoutogho to bosa tughua nigua kokoeliulivuti, mo volau.
22Na vatu ngasi tara ngelea na lei tinoni kisu vale, itaeni te liliu ni puku ni vatu.
23Aeni nina lutu Lord God, me haeharegha na vaevanena/maomaro mangagha na righiana.
24Eni na bongi Lord te gonia, mai ghita ka togotogo ma ka rivurivu ilokana.
25Lord, ko vavolaghai, Lord, ko vavolaghai, Lord, ko vaheghai mai nimua na lagavule.
26God ke vautoa gaia te mai tana ahana Lord God. Mi ghai tai vautogho tana valena Lord.
27Ma Lord God ke marara ivuvungada kau lavighi mai nimiu na sukaghi ma kau talui vuvunga na Bela tabu.
28Ighoe nigua na God, mi nau ku holoutogho! Ighoe nigua na God, mi nau ku talu datogho!
29Holoutoa Lord, agaia te uto lee! Ma nina dolo veiarovi ke kabu kasila.
