Womusu 144:2-14

²Wunɑ ɑ rɑ mɑn durom kue kpɑ ɑ mɑn kɔ̃su. Wunɑ ɑ sɑ̃ɑ nɛn kuku yee dɑmɡiru kɑ nɛn fɑɑbɑ kowo. Wunɑ ɑ sɑ̃ɑ nɛn tɛrɛru te tɑ rɑ mɑn ɡɑnɛ. Wunɑ ɑ rɑ de bwesenu nu n mɑn wiru kpĩiyɛ.

³Yinni Gusunɔ, wɑrɑ rɑ n tɔnu ɑ n sere kɑ win bwisikunu mɔ̀. Wɑrɑ rɑ n tɔnu ɑ n sere kɑ win weeweenu mɔ̀.

⁴Tɔnu u sɑ̃ɑwɑ nɡe woo. Win wɑ̃ɑrun tɔ̃nu nu sɑ̃ɑwɑ nɡe sɑɑru te tɑ rɑ doonɛ.

⁵Yinni Gusunɔ, ɑ de wɔllu tu tem dɛbɛ dɛbɛ ko kpɑ ɑ sɑrɑmɑ. A ɡuunu bɑbo kpɑ dɔ̃ɔ u yɑri ni sɔɔn di.

⁶A de ɡuru mɑɑkinu nu sɔ̃ɔsirɑ, kpɑ ɑ nɛn yibɛrɛbɑ yɑrinɑsiɑ. A bu sɛ̃ɛnu tweeyo kpɑ ɑ de bu yɑrinɑ.

⁷A wunɛn nɔmu dɛmiɑmɑ wɔllun di. A mɑn wɔro kpɑ ɑ mɑn fɑɑbɑ ko nim bɑkɑm kɑ tɔn tukobun min di

⁸be bɑ rɑ n ɡɑri kɑm yɑrɑmɔ ben nɔsun di, kpɑ bɑ n ben nɔm ɡeu yiiye bu kɑ nɔɔ mwɛɛ weesuɡinu ko.

⁹Yinni Gusunɔ, kon nun wom kpɔɔ kuɑ. Kon nun womu kuɑ kɑ mɔrɔku sɛrum wɔkuruɡuu,

¹⁰wunɛ wi ɑ rɑ sinɑmbu fɑɑbɑ ko, kpɑ ɑ nɛ, Dɑfidi wunɛn sɔm kowo yɑrɑ tɑkobi ɡɔɔɡiɑn di.

¹¹Yinni Gusunɔ, ɑ mɑn wɔro, kpɑ ɑ mɑn fɑɑbɑ ko tɔn tukobun nɔmɑn di, be bɑ rɑ n ɡɑri kɑm yɑrɑmɔ ben nɔsun di, kpɑ bɑ n ben nɔm ɡeu yiiye bu kɑ nɔɔ mwɛɛ weesuɡinu ko.

¹²A de bɛsɛn bii ɑluwɑɑsibɑ bu ko nɡe dɑ̃ɑ ni nu kpiɑ dee dee nin piiburun di, kpɑ bɛsɛn bii wɔndiɑbɑ bu mɑɑ ko kurɔ burɑbu nɡe ɡbere be bɑ dɑ̃kɑ bɑ sɑ̃ɑ sinɑ kpɑɑrun burɑru.

¹³A de bɛsɛn birɑnu nu dĩɑ bwese bwesekɑ yibu, kpɑ bɛsɛn yɑɑ sɑbenu nu dɑbiɑ nu ko subɑ nɔrɔm nɔrɔm kɑ nɔrɔm nɔrɔm subɑ wɔku wɔkubu bɛsɛn ɡberu kpɑɑnɛɔ.

¹⁴A de bɛsɛn kɛtɛbɑ bu kuurɑ. A ku de ɡoo u sun wɔri kpɑ u sun yoru mwɛɛri u kɑ doonɑ. A ku mɑɑ de nuku sɑnkirɑnun wuri yi nɔɔrɑ bɛsɛn swɛɛ sɔɔ.