1 Lengte 18:36-46

³⁶Nilhah lang pumgo thilto phatdonin, Elijah themgao pa chumaicham muna akal touvin atao tan ahi. “Vo Pakai Abraham Pathen, Issac Pathen, Jacob Pathen tuninikho’a hin nangma hi Israel Pathennahina leh keima hi nasohpa kahinahinphong doh in, hicheho jouse hinangma thupeh’a kana bol ahi jonghi hinphong doh in.

³⁷“Vo Pakai neihin donbut in! Hiche mite hin nangma hi Pakai Pathen na hin chule nang inalungthim’u hi nanga dinga naleheipeh’u ahitai tihi ahet doh diuahi,” ati.

³⁸Chutah chun Pakaiya koninmeikong ahung lenglhan, pumgothilto bongchal sa chu aka vamjengin, thinglom jong akavamjeng in, leivui jong aleo go jengin, twilam’a twivei jeng jong chu ahulgo hel jing in ahi.

³⁹Mipin hiche thilsoh hi amudohphat uvin, amai’u tol’ah asulut chehuvin hitin aseitauve, “Pakai amahi Pathen ahi, ahiye, Pakai hi Pathenahi,” atiuve.

⁴⁰Hijou chun Elijah in mipi hochu thu apen, “Baal themgaohochuman’un, khatchajonglhaso hih’un,” ati. Hichun mipihon amaho chu aman’un, Elijahin Kishon phaichama apui suh inabonchauvin athat gam tan ahi.

⁴¹Chuin Elijah chun Ahab komah, “Chenlang an ga nen lang twi gadon tan ajeh chu keiman gojuh nadinga van kithin husa kajatai,” ati.

⁴²Hitichun Ahab jong achen ananen twi adon in ahi. Ahinla Elijahchu Carmel molchunga akaldoh in, teni kikah’a amai asulut in, akunkheh in ahi.

⁴³Chuin asohpa jah’a, “Chen langtwikhanglen lam khu gave tan,” ati. Hichun asohpa jong achen agaven, Elijah kom a ahung kile kit in “Imakamupoi” ati. Sagivei jen Elijahchun achea aga vet dingin anasollin ahi.

⁴⁴Asagi vei channa chun asoh panhitin aseiye, “Vetan, meilhang neocha mihem khut phang tibep khat hitwikhanglen na konin ahung ki tungdoh’e,” ati. Chuphat in Elijah chunasohpa jah’a, “Ahab kom achuncheloijin lang hitin hin ga seipehin, ‘Na sakol kangtalai ah chunkaldoh inlang na inlanga cheloijinachutilouva ahile geisang le chungojuh in na lap ding, nache theilouding ahi, ga tipeh in,” ati.

⁴⁵Hichejou jou chun, van ahungthimcheh cheh jengin, meilomahung kikhom khom jeng tan huiahung nungpan tai, chuin go hajuh in ahung jun ahi. Ahab chuasakol kangtalai akitol in Jezreelhenglam’ah gangtah in ache tan ahi.

⁴⁶Hichun Pakaiyin Elijah chuthahat na jat chombeh apen, amanjong atai akigah in, Ahab masang’ahana kheltan in Jezreel kot phunga aana lam tin kittan ahi.