1Hiche phatlai sung hin, Syrialengpa Benhadad in asepaite jouse akomin chuleh leng somthum le nin asakol holeh akangtalai jouse pumin apanhun, hiti hin Benhadad chu Samaria sat din akitol’un, Israelte khopi kulpi Samaria chu aum uvin gal in anokhum tauvin ahi.
2Benhadad in Israel lengpa Ahabhengah mi asollin, thu ana thot in, “Hiche Benhadad kiti pan kasei ahi,
3Na insunga na sana leh na dangkachuleh najite le nachate apha laichengse chu keiya hidiu ahitai,” agatisah tai.
4Chunin Israel lengpan adonbut in, “Kapu lengpan nasei ho chu adihsoh keije kanei jouse hi nanga ahi,” ati.
5Benhadadingangtahinadonbutna thu chu athot kit in, “Hiche Benhadad keima thuthotahi, na sana leh na dangka chu lehnaji na chate neipeh ding ahi tia, thukapehsa nahitai.
6Ahinlah, jing nikho tuphat tah leh, naleng inpi le navaipote in jousekhol’a thil manlua agel jouseu kilahdia kavaipote kahinsol ding ahi,” agatisah kit in ahi.
7Hiche jou chun Ahab in agamsungupa chingthei ho jouse akhomin, amaho koma chun, “Veuvin hichepa hin eisuboi lheh jeng un ahi! Aman aki ngeh bangin keiman ka sana lehka dangka chu leh kaji ka chate chukana phalpeh tan ahi,” ati.
8Amipite leh upa chingthei hochun, “Hiche kal val chun imachaphalpeh tahih in,” atipeh un ahi.
9Hichun Ahab in Benhadad sottol leho koma chun, “Kapu lengpa komachun hiti hin seipeh tauvin, amasa’anathil ngeh ho chu ka phalpeh jenge, ahinlah tua achaina’a nathil ngehhovang hi kasang theipoi,” ati. Hitichun sottole ho chun hiche thu chuapo uvin Benhadad hengah akiletauvin ahi.
10Hichun Benhadad in Ahab chuhiti hin thu athot kit’e, “Keiman nakhopi Samaria hi vogoihel’a ahalsisia khut’a choidoh kham mihemkahin puilut ding kasuhmang dingahi. Hichu kaboldoh lou le ka houpathenten eithat jeng hen!” ati.
11Israel lengpa Ahab in ahin donbutin, “Galmun’a galsat dia sepai khatin a chemjam akipoh nung’a, galsatchaisa ho ham hoithoa thuchengchu bol ngai ahipoi, tin seipeh un,” ati.
12Benhadad leh apanpi lengdangho toh, ponbuh sunga ju anadonlai tah un, Ahab donbutnathucheng chu aja tauvin ahi. Hichun Benhadad chun asepaite kom’ahgalsat din kigo uvin tin thu ape tanahi. Hijeh chun khopi chu nokhumdingin akigo tauvin ahi.
13Hiche kah lah chun, themgao khat Israel lengpa Ahab kimupi din achen, “Pakaiyin hiti hin thu aseiye, ‘Hiche galmi hon tamtahhokhu namu am? Tunia amahokhu nangma khutna ka pehdohding chule galjona na nei ding ahi. Hiteng chuleh nangman keima hi Pakai kitipa chu kahi nei hetdohding ahi,” ati.
14Hichun Ahab in, “Ipiti ahinbolding ham?” tin adong in ahi. Chuinthemgaopachunahindonbut in, “Gambih vaipoho noijakhangthah hon aboldiu ahi,” atinahile, Ahab in, “Keihon kasatmasat diu ham?” tin adongkitinahile, thempupan, “Hengenanghon nasat masat diu ahi,” ati
15Hichun Ahab in gambih vaipohochu asimtoh leh, mi jani le somthumle ni ahiuvin ahi. Chujouvin Israelsepai jouse chu asimtoh leh sangsagi alhing in ahi.
16Sunkim dontah chun, Benhadadleh aki loipi Leng som le ni hochunaponbuh sung uvah ju anadonkhom’un ahi.
17Hichun gambih lamkaiho chukhopi sunga kon chun ahungkitoldohmasapenunahileh, Benhadad sepai ho chun akom a Samaria konin sepai phabep ahungkitol doh uve atin ahileh,
18Benhadad in, “Amaho chuchamna a hung hiu hen lang, galsatdinga hung hi jong leu ahing in manpou pouvin,” ati.
19Ahinlah sepaite apumpi ahin, gambih lamkaiho ahin, abon’ungalsat dingin ahung kondoh tauvin ahi.
20Israelsepaitechun Syriasepai akimaitopi cheh u athat’un ahile, Syria sepaiho chu ati’u ajan, ajam mang gam tauvin ahi. Hichun Israeltenanungdel’unahileh Benhadad lengpa leh sakolkangtalaiya touthem phabep chuanajam doh man’un ahi.
21Ahiyeng vangin, Israel lengpachun Syria sakol dang holeh sakolkangtalai ho chu ana ban suhmangpeh tan ahi.
22Phatchomkhatjouvinthemgaopa chun, Ahab Lengpakom ah, “Na hung nokhum kit di’uahin kigingphan, Syria lengpa chunkhovei chavang phat leh hung kitding ahi hijeh chun thilho kigontohin,” ati.
23Agal-lal jou nung in, agal lamkaihon Benhadad jah’a, “Israelte Pathen hi thinglhang gam Pathenahiuve, hijeh achu thinglhangaeijo’u ahi. Phaicham a kisatpileuhen bailamtah a gal ijo jeng diuahi,” atiuve.
24“Hiche chung’a abou hin leng hoathunei nauva konin haisah in lang, akhel in sepai lamkai ho pansah in,” atiuve.
25“Sepai alhasam jat hi subulhingkit’in, sepaite sakol leh kangtalaite atil ajat maman subulhingkit in, chuteng leh phaicham ahkisatpi leu veng kajo tei diu ahi,” atiuve. Hitichun Benhadad in jongangaichat bang’un abolpeh soh tanahi.
26A kumkit chavang lai ahiphatin, Syria sepaite asemtoh sohkeiyin Israelte kisatpi dingin tuchung hin Aphek lang ajon tauvin ahi.
27Isrtaelte jongaki semtohun, neh leh chah jong hoitah’inakigon toh’un, galsat dingin ahungkitol tauve in ahi. Ahinlah Israelsepaite alhomdan uchu, kelcha honlhomcha ni kijotna toh abang un ahi. Syria sepaite vang chu gamsungpumpi adim lha jeng un ahi.
28Hichun Pathen mipa chun Israellengpa kom’ah achen, “Pakaiyinhiti hin aseiye, Syria sepaiten hitihin aseiyun ahi, a Pakai’u khuthinglhang Pathen ahin, phaicham Pathen ahipoi. Hijeh chun hichesepai tamtah tehi kajopeh diu ahi, chutengleh nang hon Pakai kahichu nei het doh dio ahi,” ati.
29Hiche galmi teni hin nisagisungin kimai ngat ton ngahmunakisem’un, anaum un ahi. Ni sagilhin nin akisat to pan tauvin ahi. Israelten nikhat sungin Syriate lengsepai hochu sang jakhat anathat’un ahi.
30Adangse chu Aphek khopisung’ah ajamlut un ahi, ahin akulpipal’u chu ahin chimkhum un ahile, mi sang somni le sagi jen athiuvinahi. Benhadad chu khopi sung’aajam lut’in, indan sung nungkhat’ah akisel tan ahi.
31Benhadad sepai lamkai honakom’ah, “Hepu Israel lengte himikhoto athem un ahi, hijeh chuneihon khaodip pon i-taibuh uvakiveiju hitin, i-luchang uva khaoholkiveiju hitin chuteng leh Israellengpa henga chun, ga lut jeng temuhite, ajeh chu ama khun na hinghoijeng maithei ahi,” atiuve.
32Hijeh chun amahon ataibuh dung’uva khaodip pon akiveijun, aluchung uva khaohol aki khuuvin, Israel lengpa henga chun acheuvin, “Nasohpa Benhadad chunaseijin, na heng’a kahung tao ahi, neihing hoi tei teijin,” atin tin aseitauve. Hichun Ahab chun adong in, “Benhadad chu hing na lai ham? Ama chu ka sopipa ahibouve,” atitai.
33Benhadad sepaiten Ahab’inasei chu thilpha ahi tin akilahun, gantah in, “Henge, na sopipa Benhadad ahi,” atiuvin aban ipiahinsei em ti angah un ahile, Ahabin amaho jah’a chun, “Cheuvinlang, hinpuidoh un,” ati. Chuin Benhadad ahunglhun phat’in, Ahabin a kangtalai chung’ah akaldoh sahin ahi.
34Hichun Benhadad in Ahab jah’a, “Kapan napa akona ana lahpehkhopi ho jouse chu abonchankeiman nangma nale kit tang’e, chule nangman kapa in Samariakhopi sung’a abolna bang banginnangin jong, Damascus khopi sungakai-lhang tampi na semdoh theiahi,” ati. Chuin Ahab in, “Hitobangding chun kenjong nangma nalhatang’e,” atin ahi. Hiti chun Ahab in Benhadad chutoh kitepna asem tan, ama jong alhadoh tai.
35Pakaiyin themgao hon lah’amikhat chu midang khat kom’ahthu aseisah in, “Nei sat’in,” ati. Ahin mipa chun themngaopa satding chun anompoi.
36Hichunthemgaopanama komah, “Pakai Pathen thupeh nanit loujeh in, keima neidalhah lhahteng le sakeiyin natha ding ahitai,” ati. Hitichun agah dalhah leh keipikhat in athat tan ahi.
37Hijouchun themgaopa chunmidang chom khat komah, “Neisat’in,” ati. Hichun themgaopa chuasat in, asattel jeng in ahi.
38Hichun Themgaopan ponin maiakitom in, limput akhel’in, Israellengpa hungna ding lampia anangah tan ahi.
39Lengpanahungphatinthemgaopan ahin kouvin, “Hepukeima gal kiha satna laitah’a chunkana jaovin, phulouhelouvinmikhat in gal hing khat ahinkai jin, amapa hi phaten anaching tup’in, itiham khatna na lhaso’a ahilehnathi ding ahilouleh dangka talentkhat naleu ding ahi, ahung ti,” tinaseipeh tan ahi.
40“Ahinlahkeimanthilkhatbolla kakisahlal laitah in, amachuana jamdoh tan ahi,” ati. Hichunlengpan, “Achutilehnangmathepmo hichula, nangman nachungathutan na nakiluilut ahitai,” tinadonbut in ahi.
41Hichun themgaopa chun amitkitom chu ahin ladoh’in ahileh, lengpan themgao ho lah’a khat ahitichu ahedoh tan ahi.
42Chuin Themgaopachun, “Pakaiyin hitihin aseiye, keimanna suhmang ding ahi kati pa chunalhaso jeh in tua hi nangmaamakhel’a nathi ding ahitai chulehama mite khel’a nangma mite thi diu ahitai,” ati.
43Hichun Israel lengpa chu lung hangtah leh maithim ketkut in a inlam ajon tan ahi.
