عِسِرَيِلَ مَنفّيٍ ١ 18:36-46

³⁶نُنمَرٍ سّرّشّ بَ تّمُي، عَننَبِ عٍلِيَ نَشَ عَ مَسٌ سّرّشّبَدٍ رَ، عَ عَ قَلَ، «عِبُرَهِمَ، عِسِيَفَ، نُن عِسِرَيِلَ مَرِفِ عَلَتَلَ، بِرِن شَ عَ كٌلٌن تٌ عَ عِ تَن نَن نَ عَلَ رَ عِسِرَيِلَ. بِرِن شَ عَ كٌلٌن عَ ﭑ تَن نَن نَ عِ شَ كٌنيِ رَ، نَشَن يِ قٍ بِرِن نَبَشِ عِ شُي مَ!

³⁷عَلَتَلَ، عِ شَ ﭑ مَ مَشَندِ سُشُ. يَندِ، عِ شَ عَ سُشُ، عَلَكٌ يِ حَمَ شَ عَ كٌلٌن عَ عِ تَن عَلَتَلَ نَن نَ عَلَ رَ، نَشَن نْمَ عٍ بْحّ رَفبِلٍندٍ عِ مَ.»

³⁸نَ كُي عَلَتَلَ نَشَ تّ رَفٌرٌ، عَ سّرّشّ فَن، عَ يٍفٍ فَن، هَلِ فّمّيٍ نُن بْشِ فَن نّ. يٍ نَشَن نُ قٌلٍ كُي، عَ بِرِن نَشَ شَرَ قٍوٌ.

³⁹حَمَ تٌ نَ تٌ، عٍ نَشَ عٍ يَتَفِ رَقٍلٍن بْشِ مَ، عٍ قَ عَ قَلَ، «عَلَتَلَ نَن عَلَ رَ! عَلَتَلَ نَن عَلَ رَ!»

⁴⁰عَننَبِ عٍلِيَ نَشَ عَ قَلَ عٍ بّ، «وٌ بَلِ شَ نَمِحْنمّيٍ سُشُ. عَ كٍرٍن نَشَ عَ فِ.» حَمَ نَشَ عٍ سُشُ، عٍلِيَ نَشَ عٍ شَنِن كِسٌن شُرٍ يِرٍ، عَ عٍ بِرِن كْن نَشَبَ.

⁴¹نَ تّمُي عٍلِيَ نَشَ عَ قَلَ عَكَبُ بّ، «سِفَ عِ شْنيِ. عِ شَ عِ دّفٍ، عِ شَ عِ مِن، بَرِ مَ نَ شُي عِ نَشَن مّشِ يِ كِ نَ قَمَ تُنّ نَن نَ.»

⁴²عَكَبُ نَشَ تٍ عَ شْنيِ عَ دّفٍدٍ نُن عَ مِندٍ، كْنْ عَننَبِ عٍلِيَ تَن نَشَ تٍ كَرٍ مٍلٍ فٍيَ قَرِ، عَ قَ عَ قٍلٍن بْشِ مَ، عَ يَتَفِ قَ لُ عَ سَنيِيٍ تَفِ.

⁴³عَ نَشَ عَ قَلَ عَ شَ كٌنيِ بّ، «تٍ يِرٍ عِتٍشِ، عِ شَ بَا مَبِرِ مَتٌ.» كٌنيِ تٌ تٍ نَا، عَ نَشَ بَا مَتٌ، عَ مُ سٍسٍ فبّتّ تٌ. عٍلِيَ نَشَ عَ رَفبِلٍن نَ يِرٍ عِتٍشِ سَنيَ سٌلٌقٍرٍ بَا مَتٌدٍ.

⁴⁴عَ سَنيَ سٌلٌقٍرٍ ندٍ، كٌنيِ نَشَ عَ قَلَ، «نُشُي دِ نَن تٍقٍ بَا شُن مَ. عَ نُن بّلّشّ مْندّ لَن.» عٍلِيَ نَشَ عَ قَلَ عَ بّ، «سِفَ، عِ شَ سَ عَ قَلَ عَكَبُ بّ، عَ شَ بَكِ عَ شَ سْورِ رَفِسٍ كُي، عَ شَ فٌرٌ فٍيَ قَرِ مَقُرٍن مَقُرٍن عَلَكٌ عَ نَشَ بِرِ بٌورَ. تُنّ نَ قَقٍ!»

⁴⁵نُشُييٍ نَشَ كٌورٍ بِرِن عِقْورْ، قٌيٍ نَشَ كٍلِ، تُنّ بٍلٍبٍلٍ نَشَ سِن بْشِ مَ. عَكَبُ نَشَ تٍ عَ شَ سْورِ رَفِسٍ كُي، عَ سِفَ يِسِرٍيلِ.

⁴⁶عَلَتَلَ نَشَ سّنبّ قِ عٍلِيَ مَ، عَ قَ عَ فِ عَ سَنيِ رَ، عَ دَنفِ عَكَبُ يَ رَ هَن يِسِرٍيلِ سٌدٍ دّ رَ.