1कुम्सो पपाइक्ब कली तार पाइश्शो ताप्तीके ताप्शा पतीक कुम्सो। परमप्रभुमी इं कली शिशी पा आसीक गेवल। मिनु इं कली आ शिशी कोंइदल। ठेयब सेंदा पा।गन्ती ६:२४-२५
2रागी रागी ङा मुरपुकीमी इन लां नु इन प्रोंइतीक सक्ति तुइक्तमेक्ल।
3परमप्रभु, जात जात ङा मुरपुकीमी इन कली ठेयब सेल्मेक्ल। मिनु मुर नेल्लेमी इन कली ठेयब सेल्मेक्ल।
4रागी रागी ङा मुरपुकी ग्येरशा सोम्शा, कुम्सो पामेक्ल। मारदे हना गे जात जात ङा मुर आन कली कुल मकोव़थु निसाफ पाइनीनी। मिनु रागी रागी ङा मुर आन कली इन लां कोंइनीनी। ठेयब सेंदा पा।