1दाऊद आ कुम्सो। परमप्रभु यावे, आं कली जिचा तोइब आन कली जिचा तोने। आं कली लडाइ तोइब आन कली लडाइ तोने।
2ठेयब तेक्तीक नु या शेशा, आं कली वारच पथ बोक्कीन।
3इन तूतीक नु तरवार शेशा, आं कली खेदा पाइब आन लां तेक्कीन। मिनु आं थुं कली “गो इ कली प्रोंइब नङ” देनीन।
4आं कली साइक्चा माल्बपुकी खतम दुम्शा, मुने दोक्मल। आं कली मरिम्शो पाइक्चा, दे मिम्बपुकी नोले लेश्शा, मुने दोक्मल।
5मेकोपुकी फशेम योल्शो भूस खोदेंशो दुम्मल। मिनु परमप्रभु यावे आ स्वर्ग ङा गेय पाइबमी मेको आन कली खेदा पस ङा पस पवल।
6मेको आन लां छिङछिङ नु ग्रेक्शा थित्तीके दुम्ल। मोपा यो परमप्रभु यावे आ स्वर्ग ङा गेय पाइबमी खेदा पवल।
7मारदे हना मेकोपुकीमी मोशान आं कली ब्वारद दाइक्ताक्यीमी। मिनु मोशान आं कली साइक्चा कली बिक्तीक दोम्तेक्म।
भजन संग्रह 35
भजन संग्रह 35:1-7