4पाला का ङा मुरुम आन नोले ङा पाला ङा मुर आन कली “इन गेय ठेयब बाक्नीम” दे शेंचा माल्नीम। मेकोपुकीमी इन सक्ति पाइश्शो गेय आ पर्बम लोव़ पचा माल्नीम।
5आं पिप, गो इन शुश दारस ङा मान ततीके नु इन छक लाक्चा ङा गेय आ पर्बम मिम्ना मिम्न बाक्नुङ। भजन संग्रह १९:२-७
6मुरपुकीमी इन ठेयब सक्ति आ पर्बम लोव़ पचा माल्नीम। मिनु गो इन ठेयब दुम्तीके आ पर्बम शेंनुङमी।
7मेकोपुकीमी इन शुश रिम्शो पतीके आ पर्बम चाड मानेचा माल्नीम। मिनु इन ठीक पतीके आ पर्बम ठेयब सेंदा पा कुम्सो पचा माल्नीम।
8परमप्रभु यावे दाक्ब नु शिशी पाइब बाक्ब। मेको रीब पा मगाइक्ब। मिनु मेको आ गेना हना यो दाक्तीके ठेयब बाक्ब। प्रस्थान ३४:६