11मेकोपुकीमी इन राज्य ङा रिम्शो दुम्तीके आ पर्बम लोव़ पचा माल्नीम। इन सक्ति आ पर्बम लोव़ पचा माल्नीम।
12मेकोपुकीमी इन ठेयब सक्ति पाइश्शो गेय नु इन राज्य ङा दारस आ पर्बम मुर आन कली तुइक्पाइक्चा माल्नीम।
13इन राज्य गेना हना यो लीब राज्य बाक्ब। इन सासन पतीके पाला पाला सम्म बाक्ब। परमप्रभु यावेमी आ देंशो नेल्ल पाइब। मिनु आ पशो मारेइ मारेइ शिशीम पाइब।
14मिनु परमप्रभु यावेमी गोल्शो नेल्ल आन कली पोक्ब। मेकोमी आन थुं लुक्च लशो आन कली आन थुं बारपाइक्ब। भजन संग्रह १४६:८
15मारेइ मारेइमी इन गे कोव़नीम। मारदे हना गे मेको आन कली आन जची ना जचा थोव़क गेनीनी। भजन संग्रह १०४:२७-२८; भजन संग्रह १३६:२५
16गे हाइश्शो दुम्शा, ब्रोंइब नेल्ल कली रूपाइक्नीनी।
17परमप्रभु यावे नेल्ल ठीक पाइब बाक्ब। मिनु आ गेय नेल्ले शिशीम पाइब।