11Bɛ̀ yó nnɑ́ɑ́mmú ɑ kpɑ̀tì dɛumɛ̀, kɛ́nnɑ́ɑ́ mutɔ̃ndiɛmù ɑ dɔ̀ɔ̀ mù kpɛ́í.
12Kɛ̀ dɛ̀ɛ yie nkɛ̀ bɛnìtìbɛ̀ɛ bɑntɛ́ ɑ pĩ́ mmùù tɔ̃ndiɛmù, ɑ kpeńnìmɛ̀ mɛdiɛ̀ nkɛ bɑkɛ́.
13A kpɑɑtìrìmu yɛmɔ̀rɛ̀ yɛmɔu, fɔ̃́ɔ̃̀ yó mbɑkɛ́ yɛmɔ̀rɛ̀ yɛmɔu.
14Ti Yiɛ̀ nKuyie nhɔ̃ ncúɔ́mu bɛ̀ɛ̀ duò, kɛ teénnɛ̀ bɛcĩ̀rìbɛ̀.
15Bɛnìtìbɛ̀ bɛmɔu bùɔ́ fɔ̃́ nwe, kɑ̀ɑ bo mbɛ̀ duɔ̀ mmudiì dikònnì bɛ̀ bo dìì mɔ̀nnì.
16Fɔ̃́ɔ̃̀ ɔ̃ɔ̃ yɑnnɛ ɑ nɔ̀ùtɛ̀, bɛ̀ɛ̀ kó dimɑ̀ɑ̀ bo kɛtenkɛ̀ ĩ́nkɛ̀ kɛ̀ bɛ̀ɛ di kɛ́nsɑ̀nnɛ̀.
17Ti Yiɛ̀ nKuyie nkó icɛ imɔu wetímu, kɛ̀ ku tɔ̃mmú mumɔu tú mɛsɑ̀ɑ̀ nkɔ̃mu.