YƐSÃÃ 62:7-12

⁷Kuù tu dipèrì dìì n kɑ̃nkɛ́, tɛcɛ̃kpetɛ̀ tɛ̀ɛ̀ n dɛɛrí, kɛ̀ n kù bonɛ̀ m bɑ́ cĩtɛ.

⁸Kuyie nkuù n dɛɛrí, kuù tu n kó disɑ̃nni, kuù tu dipèrì dìì n kɑ̃nkɛ́, kuù tu n sɔ̀rì.

⁹Díndi Isidɑyɛɛribɛ mbúɔ́nɛ̀ ku sɑ̃́ɑ̃̀, kɛ kù nɑ̀ɑ́ ndi yɛ̀mmɛ̀ kpɛti, kuù tu ti kó disɔ̀rì.

¹⁰Onìtì dò nkuyɑɑkù nku, bɛnìtìbɛ̀ mɛ̀nkɛ tú siyɑ́ɑ̀bìsí yɛmbɛ̀ mbɛ, kɑ̀ɑ bɛ̀ wɛ̃nnɛ́ kɛ́cɔ̃nnɛ́ cìdóò bɛ̀ bo nyɑu kɛ pɛ̃ɛ̃tɛ́ muyɑɑ́.

¹¹Di bɑ́ ndɔ́ kɛ́nyo mbɛtɔbɛ̀ nɛ̀ muwɛ̃rímú, bɑ́ ndɔ́nɛ̀ mufèè kpɛrɛ, kɑ̀ɑ kpɑ̀tì dɛ̀úkú ɑ bɑ́ɑ́ tì duɔ́ nhɑ yɛ̀mmɛ̀.

¹²Dɛ̀ í tú kucɛ mɛ̀mɑ́ɑ̀ ndi Kuyie mbɛ́immɛ̀. N kèèmu kù tumɛ̀ kuù te muwɛ̃rímú.