Yəhya 17:15-21

¹⁵Onları dünyadan götürməyi deyil, şər olandan qorumağı Səndən xahiş edirəm.

¹⁶Mən dünyadan olmadığım kimi onlar da dünyadan deyil.

¹⁷Onları həqiqətlə təqdis et. Sənin sözün həqiqətdir.

¹⁸Sən Məni dünyaya göndərdiyin kimi Mən də onları dünyaya göndərdim.

¹⁹Mən Özümü onların uğrunda təqdis edirəm ki, onlar da həqiqətlə təqdis olunsun.

²⁰Yalnız onlar üçün deyil, onların sözü ilə Mənə iman edənlər üçün də xahiş edirəm ki,

²¹hamısı bir olsun. Ey Ata, Sən Məndə, Mən də Səndə olduğum kimi onlar da Bizdə olsun ki, dünya Sənin Məni göndərdiyinə inansın.