يَيَ 17:15-21

¹⁵ﭑ مُ عِ مَشَندِ مَ شّ عِ شَ عٍ تٌنفٌ دُنِحَ مَ. ﭑ عِ مَشَندِقٍ نّ عِ شَ عٍ رَتَنفَ سٍنتَنّ مَ.

¹⁶عٍ مُ بِرَ مَ دُنِحَ قٍ قْشْ رَ، عَلْ ﭑ قَن تٌ مُ لُمَ نَ قٍ مْولِ كُي.

¹⁷عِ شَ عٍ سَ عِ يّتّ نَن سَفٌي نْندِ كُي. عِ شُي نَن قِندِشِ نْندِ رَ.

¹⁸ﭑ بَرَ عٍ شّي دُنِحَ، عَلْ عِ قَن ﭑ شّي كِ نَشّ.

¹⁹ﭑ بَرَ ﭑ يّتّ سَ عِ سَفٌي عٍ بّ، عَلَكٌ عٍ تَن قَن، عٍ شَ سَ عِ سَفٌي نْندِ كُي.»

²⁰«ﭑ مُ دُبَمَ نَ مِشِيٍ فبَنسَن شَ بّ. ﭑ مَن دُبَمَ مِشِيٍ بّ نَشٍيٍ قَمَ دَنشَنِيَدٍ ﭑ مَ عٍ سَابُي رَ.

²¹ﭑ دُبَمَ نّ عٍ بّ عَلَكٌ عٍ شَ قِندِ كٍرٍن نَ، عَلْ ﭑ نُن عِ تَن ﭑ بَبَ عَلَ قِندِشِ كٍرٍن نَ كِ نَشّ. ﭑ مَن دُبَمَ عٍ بّ عَلَكٌ عٍ شَ قِندِ كٍرٍن نَ وٌن قْشْ رَ، وٌن بِرِن شَ قِندِ كٍرٍن نَ. نَ كُي، دُنِحَ نْمَ عَ كٌلٌندٍ عَ عِ تَن نَن ﭑ شّيشِ.