Jon 17:15-21

¹⁵Kakdah kuuhan maihir imat garmar heisup deipti orhor noh At go norhe han maihirnong wan teinong dar matinmur na naporpatmur. Ihirsi tap hat patim patem ihirdapat er da mar er matipririm gorhe kasip oh ihirnong kasip mat paptenmur naporpatmur.

¹⁶Noh kakdah han maire dahapti da hatin hat na pat hanmur. Nohe ihat ma dahat patru hat orhor norhe han maihirhe ihat orhor dahat patimur.

¹⁷Gorhe meng oh arpin meng ohoh ihan ihirnong ameng ohsi ongeng mar gorhe natamreindin han bap mar paptenmur.

¹⁸Gomdapat nohnong kakdah maire mutuhnong nadarhetipru nohdapat ihirnong kakdah han ire mutuhnong darherpatmur.

¹⁹Gin noh maihir yahnap ham ongeng tahat orhorwi ha patengwe rim nohhe ongeng tahat patdapat orhor ire gwemat haputpora dahapatmur pongop.

²⁰Jisas oh itap ohnong Noh gonong mama dahanahah oh gin nohsi mama pati han ire meng ohwi na dahanahah ohmur. Ire meng amram ma nohe danong ham Ohwi inahatin hatin hanwa ma naporipri han ire patepri meng ohsi tap mat dahanahahmur.

²¹Ihan go nohsi patru noh gosi patru dite ihat tit hanwi hat patiru ihirhe ihat tit hanwi hat ha patengwemur. Ihat ditsi tap hat patin kakdah maihir wamara Jisas oh arpin Got ohe darhetip han ma hapat sa dahapri.