Yuhanna 17:15-21

¹⁵Mi ɲaagaaki ittaa ɓe e aduna oo, kaa miɗo ɲaage ndeenaa ɓe e Ibiliisa.

¹⁶Ɓe njeyaaka e aduna oo, hono no miin duu mi jeyiraaka e makko nii.

¹⁷Sennir ɓe goonga maa. Konngol maa woni goonga.

¹⁸Hono no nelir-ɗaa kam e oo aduna nii, miin duu non nelir-mi ɓe e makko.

¹⁹Miɗo sennira hoore am saabe maɓɓe, yalla kamɓe duu eɓe laatoo senniraaɓe goonga.

²⁰Wanaa saabe maɓɓe tan ɲaagorto-maa-mi. Miɗo ɲaagoroo duu saabe ɓeen goonɗinirɓe kam waajuuji maɓɓe,

²¹yalla ɓe fuu eɓe laatoo gooto. Hono no aan Baabiraaɗo laatori-ɗaa e am, miin duu miɗo e maa nii, yalla kamɓe duu eɓe laatoo gooto e men, yalla aduna oo ana goonɗina aan neli kam.