John 17:15-21

¹⁵Y preye not, that thou take hem awei fro the world, but that thou kepe hem fro yuel.

¹⁶They ben not of the world, as Y am not of the world.

¹⁷Halewe thou hem in treuth; thi word is treuthe.

¹⁸As thou sentist me in to the world, also Y sente hem `in to the world.

¹⁹And Y halewe my silf for hem, that also thei ben halewid in treuthe.

²⁰And Y preye not oneli for hem, but also for hem that schulden bileue in to me bi the word of hem;

²¹that all ben oon, as thou, fadir, in me, and Y in thee, that also thei in vs be oon; that the world bileue, that thou hast sent me.