Joni 17:15-21

¹⁵Ro baname ige na buefuo isoevo ije na a kuaga a bu kaenamiaga bu aesakae ige arena vuakiro na ijene isoevo baki. Ro name a kuaga a bu mukoreigia samuagiakina kavene ise Setani fube bu biesiriana kaenamia una vame ise ijia vake.

¹⁶Ro naeje nana e ume igeko baki ijadufuo budua bu e ume igeko baki.

¹⁷Ro vua one ije fuka ma ijiaru ijadufuo ni vame one maeje nijasiaga bu ijia nuvena e akae rena karinoedufuo.

¹⁸A na kiemoga na ume igia ruaeva ijiege na kuke bu kiaga bu vua one abena ume igia e kuarianoeke.

¹⁹Na kono nane abena jinone ijiege foteke a mae ijadufuo budua buka vame besu ijiege e akae reke.

²⁰Ro na buosukua buefuo baname isoevo baki ro na kuke e ije bu vua buone mukoe fiena una na ma vierafevo ijiebuo baname isoeve.

²¹Na baname isoega bu agane besu rena karinoeke. O Asoeno izege na oe one ijia firo a oe none ijia fino ijiege na vierafe buka oe nuvuone ijia karike. A ijiege rekuma e ume igia kariva ije bu vierafero naeje na ma are kiemo na ume igia ruaevaro bu ijiege vierafeke.