John 17:15-21

¹⁵Na bi konori moi etagae rigi ya usa de nida, idu amiye no rofu nari regi mina usa nida.

¹⁶Na bi diya kono di kana, ina ka diya kono di.

¹⁷Ago rama dudu ina vene moi akeke ri; yi ago bi rama.

¹⁸Ya yaku konori na nifeideyo kana, ye ina vene ka konori nifeideyaka.

¹⁹Resi ina dada na kaya moi akeke rida, ye ina ka ago rama dudu moi akeke rigedi.

²⁰“Na diya ina vene rofu maka usa usa nigida, idu kaere nai usi dina di ago dudu na rofu mokena vari gira aegedi vene rofu ka,

²¹ye ina tau vakoi bae yokoi maka niyaganedi, ya Baba kana; ya bi na ideri ma na bi ya ideri. Una ideri ka ameyagane, ye kono vene ya yaku na rofu nifeideyo, mina rofu mokena vari gira aegedi.