Uluka 23:33-49

³³Sa wa aye ahirame sa atisa “Ukunkuwa”, Wa gankirka me nan akari waree unuu inde atari tinanre unuu inde atari tinangure.

³⁴Yeso ma gu “Acoo, vette ucara uwemen, barki sa wa taawe imume sa wazin unuwuza ba”. Wa acece tirunga tumeme in bizawazawa.

³⁵Anuu wa turi unu hirame, agomo unu wuza ume nibassa, unu gusa “Ma bursa aye ca ma buri nice nume, ingi memani Ugomo Asere nan Asere sa a Zauka”.

³⁶Anani kara nini kono (Ma Soja) wa meki uhaza upuru ume unu wuza ume nibassa, unu ninza ume mei magbarara.

³⁷Unu gusa, “Ingi homan Ugomo wa Yahudawa, bura nicee nuwe”.

³⁸U'ira warani ame “Ugomo wa Yahudawa mazigeneme”.

³⁹Uye anyimo akarime mazogeme sa agankirka we nan me unu gusa “Inzo homani Ugomo Asere? Bura nicee nuwe nan haru”.

⁴⁰Unuu kureme ma tarika me, magu “Uda kunna we biyau ba Asere ba, tunsa imun inde ini ya kem shi?

⁴¹Haru tiraa abame rep, barki ucara urun. Unuu ugeme daki ma cara imum ninba”.

⁴²Ma gu, “Yeso, ringinmi anyimo ati Gomo tuweme”.

⁴³Yeso ma gunme “Kadundura ma gunan huu, kani udizi nan mi akura Asere.”

⁴⁴Inna tii uwui (Azumu kirau in anaree) ahira abee Uhana uniyee.

⁴⁵Masaa mu wui ma inpino. Ugebtu udenge unigurame ujanika atii.

⁴⁶Inna soo, inni nyiran nidandang Yeso ma gu, “Acoo, ma nya Bibe bum atari tuwe”. Sa ma buka anime ma wii.

⁴⁷Sa una nikara nini kono (Usoja U Romawa) ma ira imumme sa ya cukuno anime ma gu “Kadundura unuu geme ma zome ma dini ba”.

⁴⁸Vat nigura nanbu sa wa aye bati iri imumme sa awuza, wa kuri unu tira igiri.

⁴⁹Vat ande sa wa rusa me, nan anee me sa wa tarsa me usuro u Galili, wa tonno pit, unu hira utimumme.