16Avenas amenca the varesave učeňika andral e Cezarea a ľigenenas amen ko Mnason, bo ke leste majinďam te bešel. Ov sas andral o Ciprus a sas jekh le čirlatune učeňikendar.
17Sar doavľam andro Jeruzalem, o phrala amen radišagoha priile.
18Pre aver džives geľa o Pavol amenca ko Jakob a avle ode the savore phuredera.
19Paľikerďa lenge a chudľa lenge te vakerel avri savoro, so kerďa o Del maškar o Nažidi prekal le Pavloskeri služba.
20Sar oda on šunde, lašarenas le Devles a phende: “Dikhes phrala, hoj igen but Židi pačanďile a on savore hine oddine le Zakonoske.
21Pal tute pes došunde, hoj sikaves le Židen, save dživen maškar o Nažidi, hoj te oddžan le Mojžišostar, bo phenes lenge, hoj te na občhinen (obrezinen) le čhavoren a te na doľikeren o tradiciji.
SKUTKI 21
SKUTKI 21:16-21