Aposolo Jaŋere Binaŋ 21:16-21

¹⁶Eme Kaisarea haeonec mitiŋic gâcne jaŋe jowac‐nâporâ ŋic moc ʒâŋene Ŋasoŋ, e mitiŋic raŋɋane Kipiro nucko fuawec, ere ficko hâcne râec‐nâpombiŋ.

¹⁷Eme raku Jerusalem haeo fisipene irecnec mitiŋic jaŋe âgo jauŋ enârembiŋ.

¹⁸Eme hae fureme Paulozi Jakobore ficko jowac‐nâpome fembeŋ. Ferâ juhapene mitire micne bapa gâcne fisi‐fârembiŋ.

¹⁹Fisipie Paulozi mejeŋicko barâ, Anutuzi neŋgoc ŋesiŋ ŋecnehame qâpuc jaŋerao miti gie bame fârine fuawec, irec dâŋ binaŋ ninic jaha ejarewec.

²⁰Paulozi dâŋ binaŋ ejare tarame Anutu muteŋkerâ Paulo ʒiŋuc âzâcnembiŋ: “Manakic, qomâ‐nâŋec Paulo, Judaŋic tauseŋ guru wemo afecnezi Jesure kikefuŋ embiŋ juŋgopieŋ. Eme jaŋe mâmâc sasawa sâcmutâc dâŋ ʒoɋac erâ dopeckeeŋgopieŋ.

²¹Ehame gore dâŋ ʒiŋuc wareme manaeŋgopieŋ: ‘Judaŋic qâpuc jaŋere ŋondeŋko juraŋgopieŋ jaŋe Mosere dâŋ qikiŋneniŋte jazaekac, ehuc ɋiefâc‐jeŋic jaŋere sahacko ma mi bajareniŋte muac‐jopaekac, â Judaŋic juju hata‐nâŋec beheniŋte qafeŋ‐jopaekac.’