Sam 75:3-8

³Be tava holoqoru sari tiṉitoṉa toadi pa pepeso, meke tava niniu sa popoa pepeso, ba Arau sina vina nabuna sa sinokirae.

⁴Tozi ni Rau saripu vahesi pule ni, ‘Mu lopu vahesi pule ni gamu,’ meke koari na tie kaleadi si zama si Rau,

⁵‘Mu lopu vahesi puleni gamu koari na mia ṉiniraṉira.’ ”

⁶Sa vinaripitui si lopu mae guana pa kali gasa rimata ba be pa lodu rimata; lopu pa kali gede ba be pa kali matao.

⁷E Tamasa tu si varipitui ni sari na tie, meke Asa tu vizatia sapu esei si tava lavata, meke esei si tava gore palae,

⁸Taṉinia e Zihova pa Limana si keke kapa sapu siṉia vaeni ṉiṉirana sapu sa Nana binugoro. Zoropo nia Sa si asa, meke napoa rina tie kaleadi, meke va paho hokaria rini si asa.