Psalms 75:3-8

³Ali lilim la mu yam yukuok se kariimet suen la yam uririkimonko, bare ali ko nukuri mu ani ilukuawusam se aora biya aniso.

⁴Ani nusupuling lagara ko kariimet mu nunga manorsam, ‘Nina ninimi me patawuralko!’ Ale kariimet memek mu nunga manorsam, ‘Nina ninip biya mu te sanamaral ale ninimi me te patawu se lagaralko!

⁵Nina ninip biya sumu me te sanamaral ale aninga angama te me kalel biya namaralko; nina ninimi patawura ko dogotak te me munakaralko!’ ”

⁶Kari bo ta koma worem bausa te agi koma worem kapara te, agi koma aguwaya mu te tairuk ale numi patawu se kariimet nunga tuterukko me balukko, mena.

⁷Kaem kota kariimet nunga tuteso, ale memek bitawara mu ilak kapawa se, ningo bitawara mu nunga patawuso.

⁸Yawe bagun bo kuting te iluwoso, bagun mu ningi mu waen aora ngisuk karogo wore ningi aniso; nu yu mu waruk se kaparuk se ali sor lilim la ko kariimet memek bitawara mu no laga, no sapamon se nuamur bo me pelerukko.