GWAY GI IDAWUU’D 75:3-8

³Ka ’cesh midi wuŋkul mo dhali aris ’kwani kun ’kon e a’di mo tani a’di ta aha/ be jin ṯelki mom piti jin tana a’di akaḵ mo. Doshi ma dhali ’cunycuri yan mo.

⁴Aha/ mina o uni gwansan kun dhu ’ba/ ki ca gwo mo ki: Dhalku/ ’ba/ ki dhu ki ca mo dhali aha/ mina o a’di jin ta thus ki thus gwo mo ki: Dhalku/ cem pini ki ’de’k ki mis mo.

⁵Dhalku/ cem pini ki ’de’k ’kup̱ ki mis jin ḵa’dama/ ḵa’dam mo walla o gwo mmo’theḵ ’ba/ imis mmo/ush ’kwani ga/ mo.

⁶Haali/ yisa ’peni mom’pesho’k walla bora luŋgu’b mo dhali yisa ’peni mombwaasho mo ip̱u’dkina mo jin ’deku is ki mis mo.

⁷Hili a’di ta’da Arumgimis jin torki gwon dwall ’twa/a ’cesh mo mmo’thi jan ’de/ ’ko’da ’cesh mo dhali cuwa kamuŋ kamu/ mis mo.

⁸Haali/ e me’d gi Tap̱a mo tani aḵubbaaya diki’d mo jin sekina yimana mura’th jin ḵa/u ki ŋah ŋah ki ’tha’da/ ’tha’da/ mo, jin ’koshu is ki ’bore/ mo. Dhali a’di midi wol a’di ’peni jin p̱inu mo, dhali aris ’kwani kun ta thus ki thus e mony’cesh mo uni mini p̱i a’di ḵu’th mo ki ṯer ntaga ’cummam piti ilu/ mo.