Psalm 75:3-8

³Ma moul nukewa finne rarrar, Ac faclu kusrusryak, Nga ac fah oru tuh pwelung lun faclu in okak na.

⁴Nga fahk nu sin mwet filang elos in tia sifacna yukunulos,

⁵Ac nu sin mwet koluk elos in tia tungak.”

⁶Nununku ac fah tia tuku kutulap me, ku roto me, Ac tia tuku epang me, ku eir me;

⁷Tuh God pa ac sang nununku. El ac fah kalyei kutu selos, ac aksukosokye kutu.

⁸Oasr sie cup inpoun LEUM GOD, Su nwanala ke wain kulana lun kasrkusrak lal. El okoala, ac mwet koluk nukewa elos nim; Elos numla nwe ke na lisr.