Sam 142:1-6

¹(Keke vinaravara te Devita totoso sapu koa tome pa bae si asa) Tepa va ululae la si rau koe Zihova, koasa mamalaiṉiqu si tepatepa la si rau koa Sa.

²Tozi beto la nia rau koa Sa sari doduru gua pu lopu qetu ni rau. Tozi beto lani rau koa Sa sari doduru qua tinasuna.

³Pana malohoro si rau, si gilania Sa gua sapu garo koa rau pude tavetia. Vasina ene gua rau, si vekoa rina qua kana si keke sipata pude va mate au.

⁴Totoso liṉana varikali si rau, si loke tie si koa pude toka nau, na lavelave nau, meke loke tie si hite tataru nau.

⁵Kei Zihova, tepa va ululae atu si rau pude toka nau, Agoi Zihova mo sa qua lave, Agoi mo si hiva Nigo rau pa doduruna sa qua tinoa hiera.

⁶Mu va avosia sa qua tinepatepa, ura na lodu mate si rau pa tinalotaṉa. Mu harupu au koari na qua kana, ura na ṉiṉira hola nau rini si arau.