A Umana Kakailai 142:1-6

¹A mari na kakailai kai David, ba i ga ki ta ra babang; a niaring. Iau manga kail tadav ra Luluai; Iau lul vovo ra Luluai ma ra nilaigu.

²Iau rada kaugu nginarao ta ra luaina matana, Iau vaarike kaugu purpuruan pirana.

³Ba ra tulungeagu i matmat ika tagu, u nunure kaugu nga; A tarai dia ga kapi ive ra kun ta nam ra nga ba ina vanavana tana.

⁴Una gire ra papar a limagu tuna, tago pa ta na piragu ba na kapupi iau; Pa ta gunan na bakbakit mulai ure iau, pa ta na i mari iau.

⁵Iau tangi tadav u, Luluai; Iau biti dari: U kaugu rivarivan Ma kaugu tiniba ta ra gunan kai ra umana launa.

⁶Una kapupi kaugu tinangi, tago iau bilua tuna. Una valangalanga iau kan diat dia vakavakaina iau, tago dia lia ma ra niongor tagu.