Salmo 142:1-6

¹Nengazen, mezesen is ked-umew ku kenikew. Ebpengemuyù a he ikehizu a kenikew.

²Idtug-an ku kenikew is menge riklamu ku wey is menge kelised ku.

³Ne emun neewaan ad te perateng, ne heeyan ke zed is ebpekevantey te menge egkengehitavù kedì. Diyà te ibayè ku zuen idtuǥes kedì te menge kuntada ku.

⁴Ahaa nu man is nekelingut kedì, wazà midtavang kedì, wazà nengalang kedì, wey wazà neipeng kedì.

⁵Ebpengum-umawen ku sikew, Nengazen; iyan ka ebpengalang kedì. Iyan ke zà utew egkinehenglanen ku kayi te kelibutan.

⁶Pemineǥa nu is kebuyù ku te tavang diyan te kenikew, su wazè en duma he egkehimu ku. Ilikey a te edtelinguma he edrasey kediey, su memezesen dan kenà siak.