Sabóor 71:6-19

⁶Yaw laa wéeroo ba may juddu; yaw yaa ma roccee sama biiru ndey. Yaa yelloo sama cant fàww.

⁷Firndey alkànde la ma ñu bare xoole woon, te yaw ngay sama rawtu bu wóor.

⁸Samay kàddu sag cant la fees ak di la saxoo darajaal.

⁹Ngalla bu ma wacc, mag laa; bu ma ba fi doole jeexe.

¹⁰Noon yaa nga may tooge, ñi may tëroo ngay diisoo,

¹¹naan: «Yàlla wacc na ko, nan ko dàq, jàpp; kenn du ko wallu.»

¹²Éy Yàlla, bu ma sore. Sama Yàlla, gaawe ma.

¹³Samay seytaane, yal nañu leen rusloo, sànk leen. Ñi may wuta lor, yal nañu leen gàcceel, sewal leen.

¹⁴Man may saxoo yaakaar, di la sant, di santati.

¹⁵May siiwal sa njekk, di yendoo waxtaane say wall, doonte lim ba wees na ma.

¹⁶Boroom bi, Aji Sax ji, ma dikke la sag njàmbaar, di tudd sa njekk gu wéet.

¹⁷Éy Yàlla, ba may ndaw, nga ma xamal say kéemaan, te ba tey jii maa ngi koy biral.

¹⁸Éy Yàlla, bu ma bijjaawee ba weex tàll it, bu ma wacc, ba keroog may xamal maasu tey sa doole, xamal ñi ciy topp ñépp sag njàmbaar.

¹⁹Céy Yàlla, sa njekk àkki na fa kawa kaw. Def nga lu réy. Yaw Yàlla, ana ku mel ni yaw?