Yabura 71:6-19

⁶kabi n nu na n nga tɛɛgɛ i. I tan nan a niya n xa bari. N i matɔxɔma tɛmui birin.

⁷N findixi misaali nan na mixi wuyaxi bɛ, barima n kantama sɛnbɛma na i tan nan na.

⁸N i matɔxɔma tɛmui birin.

⁹I naxa mɛɛ n na n ma foriɲa kui, i naxa n nabɛɲin n ma sɛnbɛtareya kui.

¹⁰N yaxuie n mafalama, e wɔyɛnma e bora ra alako e xa n faxa.

¹¹E naxɛ, «Ala bara a rabolo, won xa bira a fɔxɔ ra, won xa a suxu. Mixi yo mu nɔma a ratangade.»

¹²Ala, i naxa i makuya n na. N Marigi Ala, fa n mali mafuren.

¹³Ala xa e rayaagi, a xa e raɲɔn, naxee n tɔɔɲɛgɛma. Ala xa e rayaagi, a xa e ya ifu, naxee wama n tɔɔrɔfe.

¹⁴N xaxili tixi i ra kudɛ i. N luma i matɔxɔ ra tɛmui birin.

¹⁵N i xa tinxinyi nun i xa kisi tantuma lɔxɔɛ birin, barima e wuya han n ɲan mu nɔma e birin kolonde.

¹⁶N i xa kaabanako rabaxie matɔxɔma nɛ. N Marigi Alatala, n fama i xa tinxinyi gbansan masende.

¹⁷Ala, i na n xaranfe kabi n dimɛdi tɛmui. Han ya n i xa kaabanakoe matɔxɔma.

¹⁸Ala, i naxa n nabɛɲin yakɔsi, n bara fori, n xunsɛxɛ fan bara fuga. I naxa n nabɛɲin alako n xa i sɛnbɛ masen to nun tina mixie bɛ.

¹⁹Ala, i xa tinxinyi gbo alɔ geya. I xa kaabanako wuya. I maniyɛ na minden?