Sabóor 57:2-10

²Éy Yàlla, baaxe ma, ngalla baaxe ma, fi yaw laay làqu, yiiroo sa kiiraay, ba musiba yi jàll.

³Ma woo Yàlla, Aji Kawe ji, Yàlla, mi may matalal.

⁴Mooy yónnee fa asamaan, musal ma, dumaal ma ku may not. Selaw. Yàllaay yónnee jëfi ngoram ak wormaam.

⁵Maa ngi tëdd ci biiri noon yu mel niy gaynde, di yàpp doom aadama. Seeni sell niy xeej aki fitt, seen làmmiñ di saamar yu ñaw.

⁶Éy Yàlla, yaa màgg, ba sut asamaan, sag leer tiim suuf sépp.

⁷Noon yi di ma fiir, sama xol jeex. Ñu gasal mam pax, far tàbbi ca. Selaw.

⁸Yàlla, dogu naa, dogu naa woy, di la kañ.

⁹Na sama jëmm jépp yewwu, xalam ak moroom ma yewwu; ma yee leeru njël.

¹⁰Boroom bi, naa lay gërëm ci biir xeet yi, kañ la ci biir waaso yi.