GWAY GI IDAWUU’D 57:2-10

²Aha/ gwokina ’twa/ Arumgimis jin Caa e ki Ca mo, eya Arumgimis jin thimki ’kup̱ miim ’boro’d piti gom aha/ mo.

³A’di midi hasha hash ’peni momis dhali ta aha/ is ki me’d mo, dhali a’di midi dhu uni gwansan ki mon’the is mo, uni gun yap̱ki aha/ ki sho’k mo. Doshi ma dhali ’cunycuri yan mo. Arumgimis midi hashi mo/en piti jin ṯelu sho’k mo dhali mii ma isiŋ ganam piti mo.

⁴Aha/ isha e bwaman ma risa dhop̱ mo uni gun pitilki iya/ gi ’kwani bwa ki she/ mo. Shem buni waka mee mo dhala thop̱a/ mo, dhali ale’d buni kaaka me’d gandal mo be.

⁵Dhalki /e karu ki ca mo, ayy Arumgimis, ap̱owa ris momisi ’baar mo. Dhalki monycam pini a’di di’da p̱o/ mony’ceshi ’baar mo.

⁶Uni karkina kume/ gom ŋaṯgin sho’k pem kun dhuka/ mo, aḵashiram pem a’di di ki ’kup̱ ka luŋgu’b mo. Dhali uni c̱wanyki jis e bway pem jin yaka/ mo, hili uni ki is buni uni iṯa’kkin e jis buni jin c̱wanya uni mo. Doshi ma dhali ’cunycuri yan mo.

⁷Adum pem ṯelkunu sho’k mo, ayy Arumgimis, adum pem ka jiŋ gana/ a’di ṯelkunu sho’k mo. Aha/ mina yuḵ gway mo dhali nann gway mo.

⁸Meri e mo ma, aḵashiram pem. Meri e mo ma, ayy adheŋdhenye/ dhali adheŋdhenye/ jin ’kon ma shu/i pesu/ mo. Aha/ mina mer mo gi mon’thamo/ e mo.

⁹Aha/ mina c̱i mo jin ’boruwa ’bor bwa i is ki /e mo, ayy Tap̱a, e bwaman ma ris ’kwani mo. Aha/ mina yuḵ gway mo dhali maŋ /e mo e bwaman ma ris kal gi ’kwaniny’cesh mo.

¹⁰Haali/ mo/en pini jin ṯelu sho’k mo tani a’di caaca kagahara e momis mo, dhali mo ma isiŋ ganam pini jin tana /e mo e bwaman ma risa raḵ mo.