NARONA 24:16-25

¹⁶Mamↄma kɛ̀ mɛɛ̀ Luda yã ma yãn yɛ̀. Má Luda Musude nↄ̀sɛguuyã dↄ̃. Ma Gbãapingide wɛ́ɛgupu è, má daɛna ma puua, ma wɛ́ɛ wɛ̃na.

¹⁷Mɛ́ɛ Isarailinↄ ee, èe kɛ tianlo, mɛ́ɛ ń gwaa, à gurↄↄ e ká gĩaro. Sↄsↄnɛ é bↄ Yakubu boriinↄ tɛ́, kpatableri é bↄ Isarailinↄ tɛ́, eé Mↄabunↄ mì wíwi, eé zↄkakari pìnↄ mìwatoro fↄ̃fↄ̃.

¹⁸Ɛdↄmunↄ bùsu é gↄ̃ à pↄ́ ũ, à ibɛɛ Sei bùsu é gↄ̃ à pↄ́ ũ, Isarailinↄ gbãaa égↄ̃ kaaramɛ.

¹⁹Yakubu bori ke é kí bleḿma, eé gbɛ̃ kpaaa kɛ̀ aↄ̃ gↄ̃̀nↄ kaatɛ.

²⁰Balamu Amalɛki boriinↄ è, ben à yã kɛ̀ à è ò à bè: Amalɛki boriinↄ nɛ́ boriinↄ mìdeemɛ, mↄde aↄ̃é kaatɛ zãa.

²¹Kɛ̀ Balamu Keninↄ è, ben à yã kɛ̀ à è ò à bè: A kúkii gbãa gíngin, a sà kú gbɛ̀ musu.

²²Baa kↄ̃n beeeo weé a kaatɛmɛ, Asirianↄ é a kũkũ zĩ̀zↄnↄ ũ.

²³Balamu yã kɛ̀ à è ò dↄ à bè: O'o, tó Ludaa kɛ̀ lɛ, dé bé eé bↄↄ?

²⁴Góro'itɛnↄ é bↄ Sipiru bùsun, aↄ̃é zĩ̀ ble Asirianↄ kↄ̃n Eberunↄa, mↄde aↄ̃pinↄ é kaatɛmɛ se.

²⁵Balamu fɛ̀ɛ à tà a bɛ, ben Balaki dà zɛ́n se.