Ni Gi 24:16-25

¹⁶A nitana viri i longo a nitana Vure, ra viri i lohoka na lohokanga na Vure Meli Liu, ra viri i matai a vurena i valai na Vure Tuhaka Hateka, ra viri i tabuli puru, i palala a gina.

¹⁷A masia, pali i tabana, a masia, pali i uka ma i tabuli tabukoi. A hada bara i pagitala valai ne Iakop, a kodo hariki bara i pesi rike o Israel. Bara i ubi momo a dumena matana e huriki a Moab, bara i ubi momo a gine huriki e tune Set.

¹⁸E Idom bara ni ratapile, a pile vona e Seir tara bara ni ratapile, pali a Israel bara i gao hateka.

¹⁹A matakari bara i valai na kabu ne Iakop. Bara i ratapile e huriki ri tababana ni mahuri na tanga.”

²⁰Muri e Balam i matai e huriki a Amalek, i vakalongo a nita vakakika ne ria i ta maea: “E huriki a Amalek, muga ri gao hateka. Muri bara ri bole a vuranga dagi.”

²¹Muri i matai e huriki a Keni, i vakalongo a nita vakakika ne ria i ta maea: “Ra tanga mu made i uka viri ge ratapilea. A tanga mu made vona i pesi tora manga a nuna loha i tabuli langa na kedo na mapana lolo.

²²Ni Gi Pali e huriki a Asur bara ri vaubi turane mua, bara ri ratapile mua, ri lakavu e huriki a tara ne mua.

²³Muri e Balam i vakalongo tabua tara nita vakakika i ta maea: Na tahuna a Vure ge ratea ra naro iea, e rei ge mahuri?

²⁴Ni Gi E huriki a Saiprus bara ri rike na aga ne ria ri valai ri vakamadihi e huriki a Asur e huriki a Eber. Pali ria ranga bara ri vurua.”

²⁵Muri e Balam i malaga i hamule mai a tanga vona, e Balak tara i malaga i hamule mai a tanga vona.