كْنتِ تِقٍ 24:16-25

¹⁶نَشَن عَلَ شُي رَ مّمَ، نَشَن عَلَ شِلِ شُنفبٍ كَنيِ شَ لَامَتُنيِ تٌمَ، نَشَن قَهَامُي سْتْمَ عَلَ شِلِ شُنفبٍ سَابُي رَ.

¹⁷ﭑ قٍ تٌشِ نَشَن قَمَ رَبَدٍ يَرٍ. ﭑ قٍ تٌشِ نَشَن مَكُيَ يَكْسِ رَ. تُنبُي ندٍ قَمَ تٍدٍ كٍلِقٍ يَشُبَ شَ مِشِيٍ مَ. مَنفّ تْنشُمَ ندٍ قَمَ كٍلِدٍ عِسِرَيِلَ يَ مَ. عَ مٌوَبَ شُن نَكَنَمَ نّ، عَ سٍتِ شَ دِيٍ شَ قٍ حْنمَ نّ.

¹⁸عٍدٌن شَ قٍ فٌرٌ مَ نّ، سٍيِرِ شَ قٍ فٌرٌ مَ نّ، كْنْ عِسِرَيِلَ سّنبّ سْتْمَ نّ.

¹⁹مَنفّ ندٍ كٍلِمَ يَشُبَ شَ مِشِيٍ يَ مَ، نَشَن بٍكَيٍ سْنتْمَ.»

²⁰بَلَمِ تٌ عَمَلّكِكَيٍ تٌ، عَ نَشَ يِ مَسٍنيِ تِ؛ «عَمَلّكِ سِ قِسَمَنتٍ نَ نُ عَ رَ، كْنْ عَ رَحْنيِ، عَ بْنْمَ نّ!»

²¹بَلَمِ تٌ كٍنِكَيٍ تٌ، عَ نَشَ يِ مَسٍنيِ تِ؛ «وٌ سَبَتِدٍ مَبَنبَنشِ، وٌ تّي سَشِ قَنيٍ نَن قَرِ،

²²كْنْ عَسُرِ قَمَ نّ وٌ شُن نَكَنَدٍ، عَ وٌ قِندِ فٍيلِمَنِيٍ رَ.»

²³نَ تّمُي عَ نَشَ عَ شَ مَسٍنيِ شُن دُ سُ؛ «ندٍ نْمَ كِسِدٍ عَلَ شَ حَشَنكَتّ مَ؟

²⁴كُنكُييٍ قَمَ نّ كٍلِقٍ كِتِمِ، عٍ نْمَ نّ عَسُرِ نُن شٍبٍرِ رَ، كْنْ عَ رَحْنيِ، عٍ قَن شُن نَكَنَمَ نّ.»

²⁵نَ دَنفِ شَنبِ، بَلَمِ نَشَ كٍلِ، عَ فبِلٍن عَ شْنيِ. بَلَكِ قَن نَشَ كٍلِ نَا.