NUMERA 24:16-25

¹⁶Dirava ena hereva e kamonaimu tauna, Herea Mikamika ena aonega ai e aonegamu tauna, Siahu-idoinai Diravana hairaina e itaiamu Bena e toma dihomu to matana se hakapumu tauna, Ena hereva bini.

¹⁷Na itaiamu, to dia ina harihari; Na roha heniamu, to dia gabu kahirana ai; Hisiu ta Iakob ena amo baine dae, Dagi auna ta Israel ena amo baine heabi isi; Moab baguna baine huaria, Set garana iboudiai kwaradia baine huaridia,

¹⁸Edom taudia baine luludia lasi, Seiri taudia, ana inai taudia, baine ha-oredia. Israel baine kwalimu,

¹⁹Iakob baine lohia; Hanua taudia na ta basine roho mauri.

²⁰Ia ese Amalek e haḡerea, bena ini e haroro toma: Amalek na herea-dae besena, A dokona ai baine hebua tari.

²¹Bena Kene taudia e haḡeredia, ma e haroro, eto, Emu ruma na auka, Emu kohoro na hagahaga nadina ai,

²²To Kain baine hebua tari, Asuru ese baine abimu mauri.

²³Ma e haroro, eto, Inaio, Dirava ini baine kara toma, Bena daika baine roho mauri?

²⁴Lagatoi na Kitim amo baema, Asuru bona Ebere bae hahisidia, Bena idia danu bae hebua tari.

²⁵Una murinai Balaam e tore isi, ena gabu ela; Balak danu e raka oho.