NARONA 20:1-10

¹Isarailinↄ kà Zini gbáan ń píngi mↄ káaku guu, ben aↄ̃ vɛ̃̀ɛ Kadɛsi. Gwen Miriamu gàn, wà à vĩ̀i.

²Í kuu wà miro, ben aↄ̃ kàkↄ̃a Musa kↄ̃n Arunaozi.

³Aↄ̃ zↄka kà Musazi wà bè: Tó wa gaga yã kↄ̃n gbɛ̃ kɛ̀ aↄ̃ gàga Dii aɛnↄ, lɛ beee sã̀ↄ.

⁴Bↄ́yãnzi a mↄwao gbáa kɛ̀kiin lɛ wà gaga kɛ̀ kↄ̃n wa pↄ́kãdeenↄozi?

⁵Bↄ́yãnzi a bↄɛwao Igipiti a mↄwao gu zaaa kɛ̀ guuzi? Pↄ́wɛɛ ke kãkã lí ke geepi bɛɛ ke biisioo kú kɛ̀ro, bensↄ̃ í kú kɛ̀ wà miro.

⁶Musa kↄ̃n Arunao parii tò aↄ̃ gàa dakↄ̃rɛki kpɛɛlɛa aↄ̃ dàɛ ń puua, ben Dii gakui bↄ̀ à mↄ̀ńzi.

⁷Dii yã ò Musanɛ à bè:

⁸Ǹ gò sɛ́, mpi kↄ̃n n vĩ̀i Arunao à gbɛ̃ pìnↄ kakↄ̃a à yã o gbɛ̀si kɛ̀kãanɛ ń wáa, í é bↄn. Lɛn nɛ́ í bↄńnɛ gbɛ̀ pìn aↄ̃ mi lɛ kↄ̃n ń pↄ́kãdeenↄ.

⁹Musa gò sɛ̀ Dii aɛzĩ lán à ònɛ nà.

¹⁰Musa kↄ̃n Arunao ń kákↄ̃a gbɛ̀si pì aɛ, ben à bèńnɛ: À ma a swãgbãadeenↄ! Á yezi wà í bↄare gbɛ̀ kɛ̀kii guun yↄ́?