Nambas 20:1-10

¹Kwalabu pakanemo nawalai dolidolinemo Islael lavedi matabudi Din kalakalalelenemo a tava, Kadesmo palai a solu bi a miya. Ḡome Miliyam i peki bi a dobo.

²Bi mba dobunemo gauba geḡa taunana aubaina Islael lavedi a tava ai ḡemotidi bi Mousis bi Elon a giuvitavitaledi,

³Tedi Mousis a giuvitavitalena gado, “Tama maso nove Bada mayavaina palaina mataetinemo laḡannmo ema lava a pekipeki maso matabumai ḡome ke peki kovi!

⁴Bai aubaina Bada ena lava kunai doli tavaitemai niga kalakalalelemo? Te tama bi ema ḡamoḡamo vaitedi ka peki.

⁵Bai aubaina Idipmo kuna kapotiyovomai, te niga dobuna tatakalinemo kuna tavaitemai? Niga ḡome mote bai sima moimoito, mote witi, mote damaya, mote guleipi, mote pomeguleneti bi mote bai ḡesaudi. Bi mote bamo gauba te maso ka tego yawasana.”

⁶Mousis bi Elon a moito lava a gosedi bi a nawa tabudimo palai waiyawa mataetinemo a moito. Bi a laudulu doḡamo bi Bada namalina waimatakanikanina lisidimo i laumaḡata.

⁷Bada, Mousis i giuwena gado,

⁸“Kwa nawa em diḡona kwa vai natome bi em tau Elon vaitena Islael lavedi matabudi koi ḡemotidi. Kamaina bi matedimo lakudabadaba kwa giuwe te modenemo gauba ya laupusuwali bi lava edi ḡamoḡamo vaitedi sa tego.”

⁹Kamaina bi Mousis i nawa diḡona i vai bi Bada i giugiuwena mainana i voiye.

¹⁰Mousis bi Elon Islael lavedi matabudi lakudabadaba diyanemo a natomedi ai ḡemotidi bi i giuwedina gado, “Temi taugiuvitavitala koi beyavaiya. Tama gauba ka vitemi.”