Namba 20:1-10

¹Nawalahi bwaꞌibwaꞌina ganahewana yai, Isalaela dodogadi mahudoꞌidi sa mahano nuꞌu pitapitalina hesa yai hesana Diyin, be Kadesi yai sa miya. Amainiya, Miliyam ya peꞌi be sa boꞌusai.

²Nuꞌuna yai ni, hige adi hoꞌowa, be sa faꞌoiꞌesega na Mose yo Elon sa fawaiyunuꞌidi.

³Sa fatalapili tiyen, Fuyanna afa haidamai sa peꞌi, Guyau matana yai, egoba haꞌa ꞌe peꞌi!

⁴Sidohana be ai, Guyau ena dodoga, wa foyahimai nuꞌu pitapitalina yai te? Be haba ꞌe peꞌi aiteꞌi maꞌemai yosiyosi?

⁵Amainiya hige hoꞌowa, yo hige witi, figi e wain e pomaganata. Sidohana be Idipi yai wa abimai, be wa foyafahimai be wa lawemai nuꞌu heyaheyayana yai te?

⁶Mose maꞌena Elon dodoga sa lau afuledi, be sa lau Aba Oiꞌoigogo Gwaꞌuna luhuluhu launa yai, sa hoba lidi, na Guyau ena namanamali ya taumahata lebedi yai.

⁷Habahim, Guyau ya libalau Mose lisina, iyen,

⁸Fuya ouꞌouli tuꞌe wa fafapaisowa mate u abi, na um yo Elon, dodoga au faꞌoigogo esegahidi. Be umeꞌehu laꞌilaꞌi ni u faliba dodoga ai matadi. Haba hoꞌowa ma alu babadana ya didima, be dodoga yo yosiyosi adi sa nom.

⁹Yo fede, Mose tuꞌe ya abi, doha haꞌa Guyau ya fatalahaꞌen.

¹⁰Mose maꞌena Elon dodoga sa faꞌoigogo esegahidima umeꞌehu sadaina yai na Mose iyen, Tau kawayagala, au ataꞌatahi! Ai umeꞌehu te bena hoꞌowa ami ꞌe leyama?