Nambas 20:1-10

¹Israel kaikorotona nawaravi dagudagunai si botu Zin ku kupura momna ba Kadesh ai si kwanatu. Ba Miriam i rabobo ba si dogui.

²Ba memena si kwanatu wai okowa kega, ba pipiya si notuwa Moses ba Aaron kurisi ba si gwini,

³“I gaire kata warewaresita Bada ana Tabernacle naonai si rabobo wai yabata tata rabobo.

⁴Awaika kairavina Bada ana pipiya kaikorotona ku botuvisi niko ku kupura momna kata nina ama abapayapayaya yabata kana rabobo?

⁵Awaika kairavina kom ku wosei wai Egypt ka kasibau taveyei niko ku kupura goyo tavetaveyina? Memena grain kega, fig kega, grape vine ba pomegranate kega ba yebo toma kairavina wai okowa kega!”

⁶Ba Moses ba Aaron pipiya dugu kaikorotona si sumarisi si nae ku Tabernacle matam ketanai naosi yai si peku ku tano ba Bada ana kadara i rerematara kurisi.

⁷Bada Moses kurina i wona,

⁸“Am ruwakuna ke yauni ba kom ba tuwateim Aaron pipiya koi runotuwanisi ba matasi yai ki sisiya nao ku akima ba okowa ina busira ina kasibau, kom okowa akima kamonai kuna yore kasibauwei wai pipiya kaikorotosi asi aba payapayaya yabata sina toma.”

⁹Kata ruwakuna Bada matanai i yauni, i kaotunei wai nanakasike.

¹⁰Moses ba Aaron pipiya duguna akima naonai si kesanisi ba si wonisi, “Koi tainabaenega, komi kawakasekasemi, kata okowa komi kairavimi niko akima kamonai kani kasibauni kona?”