Minbu 20:1-10

¹Hiche kum lha masapen chun Israel mite Zin gamthip ahin jon tauvin Kadesh munna akichol do uvin, hikom munna akicholdo laitah un Miriam chu athi’n hiche munna chun avui tauve.

²Hiche munna chun Twi don ding aum tah lou jeh chun mipi ho chu Mose le Aaron dounan akiphin kit tauvin ahi.

³Mipi ho chun Mose themmo achan un, hitin asei tauvin gamthip lah achun Pathen masanga ka sopite ho toh ana thi khom taleu veng ka nom uve, atiuve.

⁴Mose’n hiche Pathen chate mi hi jat hi gamthip golah’a athi chai kei ding’a keiho le ka gancha te’u neipuiyu ham, tin asei uve.

⁵Ipi dinga Egypt gamma kona chu nei hin pui doh uham hi tobang gam leiset chavei tah mun ahi atiuve. Hiche leiset gam pheng ahin agasoh jong aumpon, Olive thei, Kolbu thei chule lengpi thei chang jong umlou chu leh tui donding jong imacha aum poi tin asei un ahi.

⁶Mose le Aaron chu mipi holah akon in aki nunghei lhon tan, houbuh maicham jotna lamma chunahin nai lhon tai, hichun amani chutolgo lamma amai aphul lut lhonin chu in Pathen mailhaisel kidangtah chu amani heng lamah ahungkilang doh tai.

⁷Chu in Pakaiyin Mose heng’a hitihin aseijin ahi.

⁸Nang le Aaron in na tenggol chuna choi lhon ding Israel mipi chuaboncha nakhop tup ding, mipihon na um chan, na khan chanavet ding’u, songpi chu na thu’a nanunsah’a na koudoh tho ding ahi. Chu teng tui don ding hung put dohding ahi. Nangman song chungapatna tui mipi te don ding kham naputdoh sah ding, mipi jouse chu nadon va sah cheh diu ahi.

⁹Chuin Pakaiyin asei bang chun Mose’n jong tenggol chu alan ahi.

¹⁰Hichun Mose le Aaron chunmipi chu songpi kom langa ding inakou lhon tan, Mose’n hitin asamtan, ngaijun sei ngailou milouchalho ati tai. Songpi akonna hi tuikapot doh sah tei ding ahi tai tinasam in ahi.